آرمی چیف جنرل راحیل شریف نے کالعدم تکفیری دہشتگرد گروہ تحریک طالبان کے 13 تکفیری دہشت گردوں کی سزائے موت کی توثیق کر دی جن میں غیر ملکیوں کے قتل سمیت مسلح افواج کے اہلکاروں پر حملے میں ملوث تکفیری دہشت گرد بھی شامل ہیں۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے فوجی عدالتوں کی جانب سے سزا پانے والے 13 تکفیری دہشتگردوں کی سزائے موت کی توثیق کر دی ہے جب کہ سزا پانے والوں میں نانگا پربت پرغیرملکی سیاحوں کو قتل کرنے سمیت سید وشریف ایئرپورٹ، اسکولز، مسلح افواج اور شہریوں کونشانہ بنانے والےتکفیری دہشت گرد شامل ہیں۔
ترجمان پاک فوج کے مطابق سزا پانے والےتکفیری دہشتگردوں کا تعلق کالعدم تکفیری دہشتگرد گروہ تحریک طالبان پاکستان سے ہے جن میں مشتاق احمد، محمد نواز،تاج گل، اصغرخان، احمد علی، ہارون رشید، بخت امیر، عزیزخان، فضل غفار، اصغرخان، اکرام اللہ، حیدر اور عرفان اللہ بھی شامل ہے۔ آئی ایس پی آر کےمطابق سزا پانے والے تکفیری دہشتگردوں کا ٹرائل فوجی عدالتوں میں کیا گیا جہاں انہوں نے عدالت کے سامنے اپنے جرائم کا اعتراف بھی کیا