نجف اشرف عراق  سے مرجع عالیقدر شیعیان جہان حضرت آیت اللہ العظمی سیستانی دامت برکاتہ نے دہشت گرد ٹولہ داعش کے خلاف “جہاد کفائی” کا فتوی جاری کیا۔

ٹی وی شیعہ [آن لائن ونگ]عراقی نیوز ایجنسی السومریہ کی رپورٹ کے مطابق مرجع عالیقدر حضرت آیت اللہ العظمی سیستانی نے دہشت گرد گروہ داعش کے خلاف “جہاد کفائی” کا فتوی جاری کیا ہے۔مرجع عالیقدر حضرت آیۃ اللہ العظمی سیستانی کے نمائندے اور امام جمعہ شہر مقدس کربلا معلی  حرم امام حسین علیہ السلام  آیت اللہ شیخ عبد المھدی کربلائی نے شہر کربلا کی نماز جمعہ میں کہا کہ آيۃ اللہ سیستانی نے عراقی عوام سے اپیل کی ہے کہ وہ ہتھیار اٹھالیں اور عراق کا دفاع کریں ۔

 آیت اللہ شیخ عبد المھدی کربلائینے کہا کہ عراق کو جو خطرہ لاحق ہے اس کا خاتمہ، فوج سے عراقی عوام کے ملحق ہونے اور دہشت گردوں کا مقابلہ کرنے کی صورت ميں ہی ممکن ہے ۔ آيۃ اللہ سیستانی کے نمائندے نے کہا کہ دہشت گرد گروہ کربلا اور بغداد پر قبضہ کرنے اور عراقی عوام قتل کرنے کی کوشش میں ہیں اور یہ مسئلہ شہریوں کی قومی اورشرعی ذمہ داریوں میں اضافہ کردیتا ہے ۔ در ایں اثنا خبریں موصول ہورہی ہیں کہ اس فتوے کے بعد لاکھوں کی تعداد میں عراقی عوام نے رضاکارانہ طور پر دہشت گردوں سے مقابلے کے لئے اپنی آمادگی کا اظہارکیاہے۔