شیعہ  اور اہل سنت علماء: دہشت گرد شیعہ اور سنّی سب کے دشمن ہیں لہذا سب ملکر ان کا مقابلہ کریں

ٹی وی شیعہ[آن لائن]گذشتہ روز داعش نامی دہشت گردوں کےموصل پر حملے کے بعد مختلف اہل سنت  اور شیعہ علماء نے شدیدردّعمل کا اظہار کیاہے اور دہشت گردوں سے مقابلے کو واجب قرار دیا ہے ۔علمائ کرام نے کہاہے کہ دہشت گرد شیعہ اور سنّی سب کے دشمن ہیں لہذا سب ملکر ان کا مقابلہ کریں۔اطلاع رساں ادارے " برثا " کے مطابق نجف اشرف سے آیت اللہ العظمی سیستانی نے " نینوا " صوبے کے حالات پر تشویش کا اظھار کرتے ہوئے دہشت گردوں سے مقابلے کا مطالبہ کیا ہے ۔ اپنے خصوصی پیغام میں مرجع عالیقدر نے تمام سیاسی اور سرکاری اعلی مقامات کو تاکید کرتے ہوئے فرمایا ہے " ضروری ہے کہ عراقی حکومت اور دیگر سیاسی لیڈران دہشت گردوں کے مقابلے میں عوام کی حفاظت اور حمایت کے لیے متحد ہوکر کام کریں اور داعش سے جنگ ایک شرعی فریضہ ہے ۔ عراق کے مختلف اہل سنت علماء نے بھی داعش سے جنگ کو دینی فریضہ قرار دیا ہے ۔ شیخ احمد الکبیسی نے عرب امارات سے اپنے فتوی میں کہا ہے کہ داعش سے جنگ تمام مسلمانوں کے لیے شرعی فریضہ ہے اور عراق کی حکومت تمام اختلافات سے بالاتر ہوکر داعش کو ملک سے نکالنے کے لیے اقدامات کرے۔ داعش کے دہشت گرد سامراء پر حملے میں ناکامی کے بعد نینوا کے شھر موصل پر حملہ آور ہوگئے ہیں اور کئی اہم مقامات پر قابض ہیں۔

اس کے علاوہ مقتدی الصدر نے اعلان کیا ہے کہ ملک بھر میں تمام مذاہب کے مذہبی مقامات کی حفاظت کے لیے تیار ہیں۔ مقتدی الصدر کا شمار عراق کے انتہائی طاقتور رہنماوں میں ہوتا ہے.