امریکی صدر بارک اوباما نے شام سے روسی فوجیوں کی واپسی کے بارے میں روسی صدر ولادیمیر پوتن سے ٹیلی فون پر گفتگو کی۔
روس کی جانب سے شام سے زمینی فوج کی واپسی کے اعلان کے بعد امریکی صدر بارک اوباما نے روسی صدر ولادیمیر پوتن سے گفتگو کی ہے۔ وائٹ ہاؤس کے ترجمان کے مطابق دونوں ملکوں کے رہنماؤں نے شام میں کشیدگی سے متعلق امور پر تبادلہ خیال کیا، روس کی جانب سے شام میں جزوی جنگ بندی پر بھی تبادلۂ خیال کیا گیا۔ بارک اوباما نے روسی صدر سے ٹیلی فون پر ہونے والی اس گفتگو میں کہا کہ معاہدے کے بعد شام میں تشدد کے واقعات میں آنے والی کمی خوش آئند ہے۔
اس سے پہلے روسی صدر ولادیمیر پوتن نے شام سے زمینی افواج کے انخلا کا اعلان کرتے ہوئے کہا تھا کہ شام میں اپنے مقاصد حاصل کرلئے ہیں، تاہم بحری اور فضائی بیس سے آپریشن جاری رہے گا۔