بین الاقوامی: شام میں النصرہ نامی دہشتگرد محاذ نے اپنے غیر انسانی مظالم کو جاری رکھتے ہوئے اس مرتبہ درعا کی جامع مسجد شیخ الخلیل پر حملہ کر کے اس کے مینار کو منہدم کر دیا ہے۔
خبررساں ایجنسی شبستان نے براثا کے حوالے سے نقل کیا ہے کہ شام میں النصرہ نامی دہشتگرد گروپ کہ جس نے اپنی دہشتگردانہ کاروائیوں کے دوران بہت سے غیر انسانی مظالم ڈھائے ہیں اس مرتبہ وہ مساجد کو منہدم کرنے کا اقدام کر رہا ہے۔
النصرہ نامی دہشتگرد گروپ کے مفتی ایاد طوباسی نے فتوی دیا ہے کہ درعا کی جامع مسجد شیخ الخلیل کے مینار کو مسمار کر دیا جائے کیونکہ وہ اسلامی تعلیمات سے منافات رکھتا ہے۔
انہوں نے دعوی کیا ہے کہ اس مسجد کے مینار کی شکل وصورت صلیب سے مشابہ ہے لہذا اسے گرا دینا چاہیے۔
دہشتگردوں نے اس فتوی کے بعد مسجد پر حملہ کر دیا ہے درحالانکہ اس وقت نمازی مسجد میں نماز پڑھ رہے تھے۔ا س حملے میں کئی نمازی اور امام جماعت بھی زخمی ہو گئے ہیں اور مسجد کا مینار بھی مسمار ہو گیا ہے۔