شاہدین کے مطابق سعودی سیکورٹی فورس کے اہلکاروں نے المسورہ کے علاقے پر مختلف قسم کے ہتھیاروں سے حملہ کرنے کے ساتھ ساتھ کئی راکٹ بھی فائر کیے ہیں۔ایک اور خبر کے مطابق، سعودی سیکورٹی اہلکاروں نے اس علاقے کے مکینوں کو زبردستی گھروں سے بے دخل کرنے کی کوشش کی تاہم انہیں عوام کے شدید ردعمل کا سامنا کرنا پڑا۔سعودی سیکورٹی فورس کے حملے میں متعدد رہائشی مکانات اور گاڑیوں کے تباہ ہونے کی خبریں بھی موصول ہوئی ہیں۔سعودی سیکورٹی فورس نے پچھلے کئی روز سے المسورہ کے قدیم اور تاریخی علاقے کا محاصرہ اور عام لوگوں کو نشانہ بنا رکھا ہے اور متعدد مکانات کو مسمار کردیا ہے۔ سعودی حکومت محصور لوگوں تک غذائی اشیا اور خورد و نوش کا سامان بھی نہیں پہنچنے دے رہی ہےمقامی ذرائع کا کہنا ہے کہ سیکڑوں کی تعداد میں سعودی اہلکار علاقے میں موجود ہیں اور بلڈوزروں اور بھاری ہتھیاروں سے لوگوں کے گھروں کو منہدم کررہے ہیں۔اپنے گھروں کے انہدام کے خلاف احتجاج کرنے والوں پر سعودی سیکورٹی فورس کی براہ راست فائرنگ میں درجنوں عام شہری جاں بحق اور زخمی ہوئے جن میں زیادہ تر خواتین اور بچے شامل ہیں۔