ٹی وی شیعہ [آن لائن ڈیسک]طالبان نے صوبہ بدخشاں کے ضلع یمگان سے مزید 15پولیس اہلکاروں کو اغوا کرکے نامعلوم مقام پر منتقل کردیا۔غیر ملکی خبررساں ادارے کے مطابق اقوام متحدہ کی سلامتی کونسل میں ایک قرار داد کی منظوری دی گئی جس میں تمام رکن ممالک نے افغان صوبہ ہروت میں بھارتی قونصل خانے پرطالبان کے حملے کی مذمت کرتے ہوئے اس بات پر زور دیا ہے کہ واقع کی فوری تحقیقات کر کے ذمہ داروں کو انصاف کے کٹہرے میں لایا جائے ۔قرار داد میں کہا گیا ہے کہ اس طرح کہ دہشت گردانہ حملے افغانستان ،امن ،جمہوریت اور ترقی کی راہ میں رکاوٹ نہیں بن سکتے۔قرار داد میں کہاگیا ہے کہ افغانستان میں امن کی و استحکام کے لئے اہم اقدامات جاری رہیں گے ۔دریں اثناء امریکی محکمہ خارجہ کی قانون ترجمان میری ہاریف نے بھی افغانستان بھارتی قونصلیٹ پر حملے کی شدید مذمت کرتے ہوئے کہا ہے کہ ہمیں افغانستان میں اس طرح کی سکیورٹی صورت حال پر گہری تشویش ہے۔انہوں نے کہا کہ ہم افغانستان میں سکیورٹی صورت حال کے لئے افغان حکام کے ساتھ مل کر کام کرتے رہیں گے۔