یوم عاشور کو ۸۰ لاکھ زائرین کی کربلا میں شرکت

دنیا کے پچیس ملکوں سے کئی لاکھ زائرین، یوم عاشورہ کی عزاداری میں شرکت کے لیے کربلائے معلی آئے۔

کربلائے معلی میں یوم عاشور روایتی جوش و جذبے کے ساتھ منایا گیا جس میں ایک اندازے کے مطابق اسی لاکھ سے زائد عزاداروں نے شرکت کی۔
سید الشہدا حضرت امام حسین علیہ السلام کے روضہ اقدس اور اس کی اطراف کی شاہراہیں عزاداروں سے بھری ہوئی تھیں اور لوگ ماتمی دستوں کی شکل میں بارگاہ حسینی کی جانب رواں دواں رہے۔ بارگاہ حسینی کی انتطامیہ کے اعلی عہدیدار نے بتایا کہ بدھ کی رات تک اسی لاکھ سے زیادہ عقیدت مند کربلائے معلی پنہچ چکے تھے جبکہ عزاداروں کی کثیر تعداد صبح عاشور بھی کربلائے معلی میں وارد ہوئی۔
انہوں نے بتایا کہ دنیا کے پچیس ملکوں سے کئی لاکھ زائرین، یوم عاشورہ کی عزاداری میں شرکت کے لیے کربلائے معلی آئے۔ کربلا‏ئے معلی پہنچنے والے غیر ملکی عزاداروں میں ایران، پاکستان اور ہندوستان سے آنے والے زائرین کی تعداد سب سے زیادہ ہے۔
انہوں نے بتایا کہ فضائی اور زمینی راستے سے زائرین کی آمد کا سلسلہ بدستور جاری ہے اور انتظامی ادارے دن رات اپنے کاموں میں مشغول ہیں۔اس موقع پر سیکورٹی کے کڑی انتظامات کیے گئے ہیں۔ تاحال کسی ناخوشگوار واقعے کی کوئی اطلاع نہیں ملی ہے۔

Add new comment

یوم عاشور کو ۸۰ لاکھ زائرین کی کربلا میں شرکت | تلویزیون اینترنتی شیعیان

خرابی

The website encountered an unexpected error. Please try again later.