رہبر معظم انقلاب اسلامی آیت اللہ العظمیٰ خامنہ ای نے ایٹمی معاہدے کے نفاذ کے سلسلے میں صدر حسن روحانی کے خط کے جواب میں امریکی عہد شکنی اور فریب کے بارے میں ہوشیار رہنے پر تاکید کرتے ہوئے ہے کہا ہے کہ ایٹمی معاہدے پر عمل ایرانی قوم کی استقامت اور پائداری کے نتیجے میں حاصل ہوا ہے اور اس سلسلے میں مذاکراتی ٹیم کی کوششیں قابل قدر ہیں۔ ایرانی خبر رساں ادارہ مہر نیوز کی رپورٹ کے مطابق آیت اللہ خامنہ ای نے ایٹمی معاہدے کے نفاذ کے سلسلے میں صدر حسن روحانی کے خط کے جواب میں امریکی عہد شکنی اور فریب کے بارے میں ہوشیار رہنے پر تاکید کرتے ہوئے کہ کہ ایٹمی معاہدے پر عمل ایرانی قوم کی استقامت اور پائداری کے نتیجے میں حاصل ہوا ہے اور اس سلسلے میں مذاکراتی ٹیم بالخصوص وزیر خارجہ کی کوششیں قابل قدر ہیں۔ آیت اللہ خامنہ ای نے ظالمانہ پابندیوں کے مقابلے میں ایرانی عوام کی استقامت کے مثمر ہونے پر خوشی کا اظہار کرتے ہوئے کہا کہ بعض ممالک منجملہ امریکہ کی ایرانی قوم کے ساتھ دشمنی معروف ہے لہذا اس سلسلے میں فریق مقابل کے وعدوں کے نفاذ پر قریبی نظر رکھنے کی ضرورت ہے، حالیہ دو دنوں میں امریکہ کے بعض سیاستدانوں کے اظہارات بدگمانی  کا موجب بن گئے ہیں۔ انہوں نے کہا کہ ملک کی معاشی اور اقتصادی مشکلات کو ملک کے اندر حل کرنے کی تلاش و کوشش اور مزاحمتی معیشت پر توجہ مبذول کرنی چاہیے۔ آیت اللہ خامنہ ای کا کہنا تھا کہ امریکہ کے مکر و فریب اور عہد شکنی کے بارے میں ہمیں ہمیشہ ہوشیار رہنا چاہیےاور قوم کی استقامت اور پائداری سے جو نتائج حاصل ہوئے ہیں انھیں قدر کی نظر سے دیکھنا چاہیے۔