ٹی وی شیعہ[آن لائن پینل]کوئٹہ سے آنے والے دس مسافروں کو قلعہ سیف اللہ کے علاقے میں اغوا کرلیا گیا ہے۔ نیشنل ہائی وے پر مسلح وہابی افراد نے کوئٹہ سے ژوب آنے والی گاڑیوں کو گن پوائنٹ پر زبردستی روک کر مسافروں کو اغوا کرنے کا سلسلہ شروع کررکھا ہے۔آج گاڑیوں میں موجود تمام مسافروں کے شناختی کارڈز چیک کرنے کے بعد مسلح وہابی ایک مسافر گاڑی سے سات افراد کو جبکہ ایک پرائیویٹ کار سے تین افراد کو شناخت کرنے کے بعد گاڑیوں میں ڈال کر اپنے ساتھ لے گئے ہیں۔

مغویوں میں بلوچستان صوبائی اسمبلی کا ملازم فیض الحق، ڈاکٹر ولی خان مندوخیل، نورالحق مندوخیل، بینک مینجر سلیم کاکڑ، شاہد خان یوسفزئی، لیاقت عبدالظاہر، حبیب اللہ اور ڈرائیور غلام علی شامل ہیں۔ واقعے کی اطلاع ملنے پر سکیورٹی فورسز نے پورے علاقے کو گھیرے میں لیکر سرچ آپریشن شروع کردیا۔ جس میں ہیلی کاپٹرز اور کتوں کو بھی استعمال کیا گیا۔ سرچ آپریشن میں فورسز نے پانچ افراد کو بازیاب کرا لیا، تاہم پانچ افراد ابھی تک لاپتہ ہیں۔