ٹی وی شیعہ[نیٹ نیوز]حضرت آیت الله سیستانی نے امام حسین علیہ السلام کے چہلم کی مناسبت سے کربلا معلی کے لئے پیادل جا نے والے مومنوں کی طرف سے نصیحت کرنے کی درخواست  پر ان سے اول وقت نماز اور نامحرموں کے ساتھ اختلال سے دوری کی گزارش کی ہے ۔

انہوں نے کہاکہ  جو لوگ امام حسین علیہ السلام کی ملکوتی بارگاہ کی زیارت کے لئے پیادل سفر کر رہے ہیں وہ نیک اخلاق اور دین مبین اسلام کی تعلیمات پر پابند رہیں ۔

حضرت آیت الله سیستانی نے یہ بھی فرمایا کہ وہ افراد جن کو خداوند عالم نے امام حسین علیہ السلام کی زیارت کے لئے پیادل جانے کی توفیق عنایت کی ہے وہ لوگوں کے لئے نمونہ ہوں اور ان کا رویہ ایسا ہو کہ ان کے اخلاق کو دیکھ کر لوگ ہدایت حاصل کریں ۔

مرجع تقلید نے بیان کیا کہ امام حسین علیہ السلام کی ایثار و قربانی کو یاد کرنے کے وقت ضروری ہے اسلامی تعلیمات جیسے نماز ، حجاب ، اصلاح ، بخشش ، حلم اورادب کا خاص خیال رکھا جائے اور حرام سے دوری اختیار کی جائےتا کہ یہ زیارت خدا کے فضل و کرم سے نفس کی پرورش کا سبب ہو ۔

حضرت آیت الله سیستانی نے یہ بھی فرمایا کہ کربلا معلی کی طرف پیادل کا سفر ایک تعلیمی و تربیتی کلاس کی طرح ہے مومنین کسی بھی وجہ سے اول وقت نماز سے غفلت نہ کریں اور کسی بھی کام کو اس سے مقدم نہ کریں کیونکہ نماز افضل اطاعت ہے ۔

انہوں نے خواتین کی پیدل سفر کے سلسلہ میں بیان کیا : خواتین کو چاہیئے کہ حجاب و پردہ کے ساتھ ہوں اور لباس و فعالیت میں عفاف کا خیال کریں ۔ اور وہ لوگ تنگ لباس پہننے اور مردوں کے ساتھ اختلاط سے دوری اختیار کریں اور ایسا کام نہ کریں جو اس تقریب کی عظمت کے خلاف ہو ۔
.....................