ٹی وی شیعہ[ریسرچ ڈیسک ]سپین کی پارلیمنٹ نے آزاد فلسطین کے حق میں قرارداد منظور کر لی ہے۔ایوان میں قرارداد اپوزیشن جماعت نے پیش کی،،جس کے حق میں تین سوانیس ووٹ ڈالے گئے،، مخالفت میں دو جبکہ ایک ممبر نے ووٹنگ میں حصہ نہیں لیا،قرارداد میں کہا گیا ہے کہ بین الاقوامی قوانین کے تحت فلسطین کو بطور ریاست تسلیم کیا جائے،اسرائیل اور فلسطین کے درمیان جاری تنازع کے حل کے حوالے سے قرارداد میں کہا گیا ہے کہ مسئلے کا حل دو الگ الگ ریاستوں کے قیام میں ہے،منظور کی گئی قرارداد کی حیثیت علامتی ہے، اور فلسطین کو بطور ریاست تسلیم کرنے کے لیے حکومت کے لیے کوئی وقت بھی مقرر نہیں کیا گیا ہے،سوشلسٹ پارٹی کی رکن ٹرینیڈاڈ کا کہنا تھا کہ یہ پیغام اچھی طرح سمجھنے کی ضرورت ہے کہ فلسطین کو ریاست کے طور پر تسلیم کیا جانا کسی کے خلاف نہیں ہوگا، بلکہ یہ تشدد کے خاتمے کی جانب ایک مثبت قدم ہوگا۔ اس سے قبل گزشتہ ماہ برطانیہ اور آئرلینڈ کی پارلیمنٹ سے بھی ایسی ہی قراردادیں منظور ہوچکی ہیں۔