(۷۵۲) مستحب نمازیں بہت سی ہیں جنہیں نفل نمازیں بھی کہتے ہیں۔ مستحب نمازوں میں سے روزانہ کی نفل نمازوں کی بہت زیادہ تاکید کی گئی ہے۔ یہ نمازیں روز جمعہ کے علاوہ چونتیس رکعت ہیں جن میں سے آٹھ رکعت ظہر کی ، آٹھ رکعت عصر کی چار رکعت مغرب کی ، دو رکعت عشاء کی ، گیارہ رکعت نماز شب (یعنی تہجد) کی اور دو رکعت صبح کی ہوتی ہیں اور چونکہ احتیاط واجب کی بنا پر عشاء کی دو رکعت نفل بیٹھ کر پڑھنی ضروری ہیں اس لیے وہ ایک رکعت شمار ہوتی ہے لیکن جمعہ کے دن ظہر اور عصر کی سولہ رکعت نفل پر چار رکعت کا اضافہ ہو جاتا ہے بہتر ہے کہ یہ پوری پوری بیس رکعتیں زوال سے پہلے پڑھی جائیں ۔ سوائے دو رکعت کے جن کے زوال کے وقت پڑھا جانا بہتر ہے۔
(۷۵۳) نماز شب کی گیارہ رکعتوں میں سے آٹھ رکعتیں نافلہ شب کی نیت سے ، دو رکعت نماز شفع کی نیت سے اورایک رکعت نماز وتر کی نیت سے پڑھنی ضروری ہیں اور نافلہ شب کا مکمل طریقہ دعا کی کتابوں میں مذکور ہے۔
(۷۵۴) نفل نمازیں حالت اختیار میں بھی بیٹھ کر پڑھی جاسکتی ہیں اور یہ بھی ضروری نہیں ہے کہ دو رکعتوں کو ایک رکعت سمجھا جائے البتہ بہتر ہے کہ انہیں کھڑے رہ کر پڑھے ۔ ضروری ہے کہ نماز عشاء کے نوافل احتیاط واجب کی بنا پر بیٹھ کر پڑھے۔
(۷۵۵) ظہر اور عصر کے نوافل سفر میں نہیں پڑھنی چاہئیں اور اگر عشاء کے نوافل رجا ء کی نیت سے پڑھے جائیں تو کوئی حرج نہیں ہے۔
http://www.shiastudies.com/library/Subpage/Book_Matn.php?syslang=4&id=48...