په ننګرهار کی هوایی بریدونو کښې داعش ترهګرې ډلې ته درنه مرګ ژوبله اوښتې ده.
د ننګرهار د والی ویاند عطا ا... خوګیانی نن وویل: نن سهار افغان هوایی ځواک د دی ولایت د اچین ولسوالۍ اړوند دمامند په تنګی سیمه کی د داعش وسله والی ډلی پر پټن ځایونو هوایی بریدونه تر سره کړل چی په پایله کښې یې د نوموړی پر وینا شل تنه داعش وسله وال ووژل شول او ګڼ شمیر نور ټپیان شول.
د والی ویاند وویل په دغو بریدونو کی ملکی وګړیو ته مرګ ژوبله نده رسیدلی. د والی ویاند وویل چې په دی وروستیو کی دافغان او بهرنیو ځواکونو هوایی بریدونه تر ډیره د دولت د وسله والو مخالفینو له هغو نه د داعش ډلی د راټولیدو او پټیدو پر ځایونو تر سره کیږی چی له امله یی مخالفینو ته درانه تلفات وراوښتی دی داعش وسله والی ډلی تر اوسه په دی اړه څه ندی ویلی.