فرانس پریس آژانس راپورورکړی دسورئې پوځي سرچینو پرون ویلی وي دسورئې په بیلابیلو سیمو کې هره ورځ له وسله وال پوځ سره په نښتو کې داعش او دنورو ترهه ګرو ډلو یو شمیر ترهه ګر هلاک کیږي اویاهم نیول کیږي او په تیرو درو میاشتو کې دهلاک شویو ترهه ګرو شمیر څلور زره اته سوه تنو ته رسیدلی دی او دغه راز نور په زرګونو ترهه ګرټپیان اونیول شوي هم دي .
همداراز العالم ټيلیوژني چینل هم راپورورکړی دسورې پوځ ددغه هیواد په ختیځ کې د دیرالزور هوائي ډګر سر نزدې د داعش ترهه ګرې ډلې دترهه ګرو دغونډيدو په مرکزونو په حملو سره په لسګونو ترهه ګرهلاک کړي دي چې زیاتره پکې بهرني تالی څټي ترهه ګر تر سترګو کیږي . همداراز دکردانو ولسی ځواک هم دسورئې په شمال ختیځ کې په الحسکه ولایت کې له داعشي ترهه ګرو سره په ښکیلیدا سره دهغوي دیرش ترهه ګرهلاک کړي دي . په دغو نښټو کې درې کرد ځواکونه هم وژل شوي دي او په دغو نښټو کې له دعشیانو څو کلی پاک شوي دي او دغه راز دکردولسی ځواک منګولو ته داعشیانو زیات شمیر وسلې اونور ماډرن تجهیزات او وسایل هم لویدلي دي
په عین حال کې دسورئې په کوباني کې هم دترهه ګرو یوه سرغنه ابومصعب الرمانی چې دعربستان ښآریز ؤ له یوشمیر نوروترهه ګرو ملګرو سره یو ځاي هلاک شوی دی
دغه راز وروستی راپورونه ښئ دسورئې دوسله وال پوځ اوولسی ځواک په سختو حملو او پاکونکو عملیاتو سره د داعش اونورو ترهه ګرو ډلو له ترهه ګرو لارې ورکې شوي دی او ویل کیږي چې دترهه ګرو سرغنې سره دخپلو وسایلو دترکیې دپولو په لور په تښتې دي او دغه راز ویل کیږي چې په رقه ولایت کې په سلوک اوالبیضا سیمو کې داعشیانو تیارسۍ اعلان کړی او په دغو ښارونو کې ئې دپلټنو دپستو په جوړولو سره اعلان کړی چې دترکیې دپولو په لور ددغې ډلګئ غړي لاړ نشي او دهغوي دتښتې مخه نیسي . داهم ویل شوي چې تښتیدونکي زیات شمیر ترهه ګر ئې پخپله هم هلاک کړي دي
له عراقه هم خبرونه رارسیږي چې دعراق دوسله وال پوځ اوولسی ځواک په پرله پسې بریالیتوبونو او پاکونکو عملیاتو وروسته په صلاح الدین ولایت کې هم د داعش ترهه ګرې ډلې قوماندان له ماتې وروسته دترکیې دپولو په لور تښتیدلي او ویل کیږي چې دتښتې په وخت دسعودی عربستان دابو سفیان السعودي په نامه یو جنایتکار قوماندان سره دیو شمیر ملګرو هلاک شوی هم دی .
دغه راز راپورښئ دعراق وسله وال پوځ اوولسی ځواک دخلکو په ملګرتیا سره توانیدلي دصلاح الدین ولایت په جنوب کې په یثرب ښآر کې البوحشمه او عزیز سیمې بیرته له داعشیانو آزادې کړي