په پاکستان کښې د مولوي عبدالعزیز په مدرسه کښې چاودیدونکي توکي نیول شوي دي.
اسلام ټایمز ویب سایټ رپورټ ورکړی چې د پاکستان پولیسو د شکمنو کړنو په وجه په راجن پور کښې د مولوي عبدالعزیز په یوې مدرسې چاپه ووهله او چاودیدونکي مواد یې پکښې ونیول.
د پاکستان د سویلي پنجاب په راجن پور سیمه کښې د اسلام آباد د لال مسجد د پیښې د تورن مولوي عبدالعزیز تر څارنې لاندې یوې دیني مدرسې باندې پولیسو چاپه وهلې او زیاته اندازه چاودونکي توکي یې نیولي دي او د دغې مدرسې منتظم عبدا... یې نیولی دی.
یاده دې وي چې دا کار په داسې وخت کښې شوی چې سول سوسائټۍ استازي د لال مسجد مخې ته راغونډ شوي او د مولوي عبدالعزیز د نیولو غوښتنه کوي.
له بلې خوا د مولانا عبدالعزیز په خلاف، د متحده قومي غورځنګ مشر الطاف حسین ته د دړکو ورکولو په وجه هم شکایت ثبت شوی دی.