ډان خبری چینل راپورورکړی د پاکستان حرفه وي زده کړو او تعلیمي چارو سلاکار بلیغ الرّحمن بیګا په یولړڅرګندونو کې ویلی دي ددغې موضوع دڅیړلو لپاره ددسمبر په دیرشمې نیټې د پاکستان دمذهبی چارو دوزیر سردار یوسف په شتون سره یوه مهمه غونډه ترسره کیږي .
بلیغ الرحمان زیاته کړې دپاکستان حکومت له دې مخکې هم دمذهبی مدرسو باندې څارنه اودهغوي اصلاح موضوع تعقیب کړې خو دپیښور په یوه ښونځي کې دبې ګناه واړو زده کونکو له بوږنونکي وژلې وروسته دا موضوع په لازیات جدیت سره تعقیبیږي .
په پاکستان کې پر مذهبی مدرسو واکمن پنځه اصلی اورګانونه موجود دي چې په هغو کې د دیوبنديانو لپاره وفاق المدارس ، د بریلویانو د مدرسو لپاره تنظیم المدارس ، داهل حدیثو لپاره وفاق المدارس السلفیه او د اهل تشیَّع لپاره وفاق المدارس او ورسره دجماعت اسلامی رابطه المدارس الاسلامی په نامو سره اورګانونه شامل دي . دم ګړۍ پر دغو مذهبی مدرسو دڅارنې لپاره هیڅ لاره چاره نشته
په ۲۰۰۲کال کې دوخت ولسمشر پرویز مشرف ژمنه ورکړې وه چې په دغو مدرسو کې دیولړ اصلاحاتو په ترسره کولو سره پر دوي دڅارنې دزیاتولو زمینه برابروي ، په عین حال کې پر مشرف د مذهبی مشرانو بې باوري ، ددغې ژمنې داجرائی کیدا خنډ شوې وه .