د پاکستان پوځ وویل چې دوې نن په خیبر قبایلي سیمه کښې چې دافغانستان سرحد ته نږدې پرته ده په تیراه کښې په غلچکۍ حمله کښې دوه دیرش(۳۲) وسله وال طالبان وژلي دي.
د پاکستان دطالبانو ډلې او نورو وسله والو ترهګرو ډلو غړیو دپوځ له عملیاتو څخه دبچ کیدا لپاره د خیبر قبایلي سیمې په تیراه کښې پناه اخیستي ده.
ویل کیږي چې یو شمیر ترهګر دخیبر سیمې له تیراه څخه دافغان او پاکستان دسرحد په لور روان وو چې حکومتي عسکرو په اوورمګۍ (WURMAGAI)سپرکوټ (SPURKOT) سیمو کښې ورباندې غلچکۍ حملې وکړې او دډزو په تبادلې کښې دوه دیرش(۳۲) کسان ووژل شول .
دپاکستان پوځ او حکومت په پیښور کښې دطالبانو ترهګرې ډلې په حملې کښې دیوسل پنځوسو(۱۵۰) زده کونکو او معلمانو له وژلو وروسته خپله اراده کلکه کړي ده چې طالبانو ته ماتي ورکړي .
دپاکستان طالبانو ډلې تراوسه له القاعده ، لشکر جهنګوي ، سپاه صحابه او نورو ترهګرو ډلو سره یوځاې په دغه هیواد کښې په سلګونو حملو اوبم چاودنو کښې په زرګونو بې ګناه خلک وژلي دي .
دپاکستان خلک دطالبانو او القاعده ډلو دختمیدا غوښتنه کوي .
بل خبرداچې دپاکستان دباجوړ په مومند سیمه کښې په ډوله چینه(DOLA CHENA) کښې ترهګرو دسړک غاړې ته بم چاودنه کړي ده چې پکښې درې(۳) حکومتي ایف سي ځواکونه وژل شوي