دترکیې خارجه وزیر وویل دداعش ترهګرې ډلې د مخه دنیولو لپاره هوايی بمبارې بې اغیزې دي .
زمونږ خبریال وايی دترکیې خارجه وزیر مولود چاووش اوغلو نن په تهران کښې په خبري کانفرنس کښې له ترهګرو ډلو دترکیې د ملاتړ کولو په باره کښې دځینو تورونو په ردولو سره دغه تور هدفدار وباله او ویې ویل مخکې له دې چې حکومتونه داعش ډلې ته متوجه شي ترکیې دتیر میلادي کال د اکتوبر په ۱۰ نیټه داعش ډله دترهګرو ډلو په فهرست کښې شامله کړه او دغو ډلو ته د مالي مرستو د استولو لارې یې بندې کړې .
دترکیې خارجه وزیر داستنبول لخوا له داعش ترهګرې ډلې دتیلو داخیستلو په باره کښې د نظر څرګندونو په غیر اخلاقي بللو سره وویل دغه اقدام دترکیې پرضد د رواني عملیاتو یوه برخه ده .
دترکیې خارجه وزیر دغه راز دفلسطین په باره کښې دایران او ترکیې دریځونه ګډ و بلل او ویې ویل له بدغه مرغه اسرایلو دصلحې په باره کښې هیڅ رغنده حرکت نه دی کړی او هر وخت چې ۱۹۶۷ میلادي کال سرحدونو ته دستنیدا خبره کیږي او یا دصلحې پلان مطرح کیږي دفلسطین په غزې تړانګې او په فلسطیني سیمو بمبارې کیږي .
دترکیې خارجه وزیر ویل دایران او ترکیې لیدتوګي په سیمه کښې د صلحې او ثبات دچټک ټینګولو دضرورت او له ترهګرۍ سره دګډې مبارزې لپاره دټولو هیوادونو داقدام پراساس ولاړې دي .
دویلوده چې ترکیه له سعودي عربستان، قطر، امریکا، اسرایلو ، متحده عربي اماراتو، اردن او ځینې نورو عربو اواروپايي هیوادونو سره یوځاې په سوریې او عراق کښې دترهګرو په تیره بیا دداعش او النصره ترهګرو ډلو ستره ملاتړي ده .