له صهيونېسټ رژيم سره د ساز باز په مذاکراتو کښې لوړرتبه فلسطيني خبرې اترې کوونکي صائب غريقات وويل، د سيمې او نړۍ حالاتو ته په پام سره اوس په ملګرو ملتو کښې د فلسطين د غړيتوب د تعقيبولو لپاره يو مناسب فرصت دے.
صائب عريقات وړمه ورځ وويل، هغه طرحه چې زر به په ملګرو ملتو کښې د فلسطين د غړيتوب لپاره وړاندې شي د قدس شريف په پائېتختۍ سره د خپلواکه فلسطيني حکومت د جوړولو، د کډوالو، ښارګي جوړونې او اسيرانو او نورو مواردو په شمول د فلسطين ټول مسائل پکې شامليږي.
په همدې حال کښې د ملګرو ملتو د بشري حقوقو په شورا کښې د فلسطين استازي ابراهيم خريشه وړمه ورځ وويل د چارشنبې په ورځ د جنيوا د موافقه ليکونو د لاسليکوونکو هېوادونو د کانفرنس جوړېدل له فلسطينيانو څخه د نړيوالو ملاتړونو او د جنيوا د کنونشن په خلاف ورزۍ کښې د صهيونېسټ رژيم د اقداماتو د غندنې لپاره يو ګام دے.
د ويلو ده چې د ملګرو ملتو په اداره کښې د فلسطين د موقعيت له زياتېدونکې ودې او نړيوالو معاهدو او کنونشنونو سره د فلسطين له مخکې نه زياتې يوځاے کېدنې وروسته فلسطين تېر کال د جنيوا د کنونشن غړے شو. فلسطينيانو د نړيوالو ادارو د تړونونو اومعاهدو د غړيتوب غوښتنه مطرح کړې ده چې دغه غوښتنې په وروستيو کلونو کښې د نړيوالې ټولنې او ملګرو ملتو له مثبتې مخه کونې سره مخامخې شوې او په مختلفو نړيوالو تړونونو او معاهدو کښې د فلسطين د غړيتوب سبب شوې دي. دغه چلند د فلسطين د خلقو له حقوقو څخه د زياتو نړيوالو ملاتړونو بيانوونکے دے.
په وروستيو کلونو کښې د فلسطين بدلونونو ته په يوې کتنې سره په دې پوهېدې شوو چې په ملګرو ملتو کښې د فلسطين د موقعيت د ودې چلند چې په عملي توګه له 2012 کاله شروع شوے دے هم هغه شان دوام لري.
هغه څه چې مسلم دي په ملګرو ملتو کښې په 2012 کال کښې غېر غړي څارونکي حکومت ته د راې له حقه پرته له څارونکي غړي څخه د فلسطين د موقعيت ودې په نړيوال ډګر کښې د فلسطينيانو د لازياتو موقعيتونو او په کامله توګه له ملګرو ملتو سره د فلسطين د يوځاے کېدو لپاره لاره برابره کړه چې دغه بدلون هم د فلسطين د خلقو د مقاومت په وجه دے.
د ويلو ده چې له دغه بدلونه تر مخکې پورې فلسطين کلونه کلونه په ملګرو ملتو کښې د څارونکي غړي په توګه د راې د حق له لرلو پرته شتون لرۀ.
په اوس وخت کښې هم د فلسطينيانو حقوقو ته پراخې نړيوالې مخه کونې او د يو خپلواکه فلسطين د جوړولو لپاره د فلسطينيانو هڅو ته په پام سره فلسطينيان په ملګرو ملتو کښې د خپل موقعيت د بشپړه کولواو په کامله توګه پکې د غړيتوب د حاصلولو په لټه کښې دي.
د ويلو ده چې 2014 کال د ملګرو ملتو لخوا له فلسطيني ملت سره د نړيوال پېوستون کال نومولے شوے دے او د نړۍ خلق د فلسطيني هېواد د تشکيل له موضوع څخه د اروپائي هيوادونو په شمول د نړۍ د مختلفو هېوادونو د مخ په زياتېدو ملاتړ د اعلان کتونکي دي.
په داسې حالاتو کښې فلسطينيان کوشش کوي چې د ملګرو ملتو د يو خپلواکه غړي په توګه د فلسطين په منلو سره په دغه اداره کښې د خپل موقعيت په ودې سره د نړيوالې ټولنې لخوا د خپلواکه فلسطين هېواد په رسميت پېژندلو لپاره حالات رامنځته کړي.
د غور وړ ټکے دا دے چې يوه داسې نړيواله فضاء رامنځته شوې ده چې له فلسطينيانو څخه په ملاتړ کښې د صهيونېسټ رژيم اصلي ملاتړې يعنې امريکه چې تل يې د يو خپلواکه فلسطيني هېواد له جوړولو سره مخالفت کړے دے هم تر دباو لاندې راوستې ده.
په داسې حالاتو کښې ځينو خبري سرچينو مختلفو شواهدو او قرائنو ته په پام سره دا احتمال مطرح کړ چې امريکه د عامه افکارو تر مخ زياتېدونکي دباو لاندې د فلسطين په رسميت پېژندنې په باره کښې د ملګرو ملتو د امنيت د شورا پرېکړ ليک وېټو نۀ کړي.
د داسې يو حالت رامنځته کېدنه د فلسطينيانو په ګټه د نړيوالو انډولونو له مخکې نه د زيات بدلون بيانوونکې کېدې شي او دغه چلند د صهيونېسټ رژيم د چارواکو زياته اندېښنه په ځان پسې لرلې ده.