د دنیا دترټولو شتمنې ترهګرې او سترې ډلې په توګه داعش ډله دترکیې له ملاتړ پرته داډول مقام ته نه رسیدله .

داعش ترهګره تکفیري ډله ډیرې مالي سرچینې لري .
سعودي عربستان ، متحده عربي امارات او قطر دداعش ترهګرې ډلې ستر مالي ملاتړي دي .
دداعش ډلې یوه(۱) بله مالي سرچینه په سوریې او عراق کښې ددغه ډلې تر کنټرول لاندې دسیمو دتیلو خرڅول دي .
داعش تکفیري ترهګرې ډلې له عراق او سوریې د غلا شویو تیلو په قاچاق کولو او دترکیې خاورې ته د دغو تیلو په انتقال او په تور بازار کښې ددغو تیلو په خرڅولو سره دځان لپاره ستر عاید رامینځته کړی دی .
له داعش سره دسعودي عربستان له یوه (۱)مرسته کونکي شاهزاده سره د ترکیې دحکومت ارتباط او اړیکې له داعش څخه د ترکیې دهراړخیزه ښکاره او پټو ملاتړونو ښودنه کوي .
دترکیې حکومت کوشش وکړ دسعودي عربستان له دغه شاهزاده سره خپل ارتباط پټ وساتي خو ددغو اړیکو خبرونه د ترکیې په ورځپاڼو کښې خپاره شول .
دسعودي عربستان یو(۱) شتمن شاهزاده یاسین القاضي په دنیا کښې د ترهګرو ډلو دیوه (۱)ملاتړي په توګه پیژندل شوی دی .
د ۲۰۰۱ میلادي کال دسپتمبر دمیاشتې په یولسمه(۱۱) نیټې په امریکا له حملو وروسته دسعودي عربستان ددغه شتمن شاهزاده او څو نورو کسانو نومونه دنړیوالو ترهګرو په فهرست کښې شامل کړی شول په دې ډول چې ډیرو هیوادونو دهغوې په ورتلو بندیز ولګاوه .
ترکیه هم په هغو هیوادونو کښې شامله وه چې دسعودي عربستان ددغه شتمن شاهزاده په ورتلو یې بندیز لګولی وو .
خو د روان میلادي کال په لومړیو کښې د ترکیې رسنیو د سعودي عربستان له دغه شتمن شاهزاده یاسین القاضي سره د ترکیې دولسمشر رجب طیب اردوغان او دهغه له زوي بلال سره دسعودي عربستان ددغه ترهګر دکتنو عسکونه ایشوا کړل .
دسعودي عربستان دغه ترهګر شاهزاده یاسین القاضي په تیر میلادي کال کښې څلور (۴)ځله ترکیې ته ورغی او ولسمشر رجب طیب اردوغان په شخصي ډول د استنبول دهوايي ډګر د ټولو کیمرو له بندولو وروسته دهغه هرکلی وکړ .
دترکیې ولسمشر رجب طیب اردوغان په قضايي تحقیقاتو کښې دیوه (۱)ترهګر په توګه د سعودي عربستان دشاهزاده یاسین له بللو په ډډه کولو سره وايي : « په هماغه اندازه چې په ځان ډاډ لرم په ښاغلي یاسین القاضي هم ډاډ لرم ، هغه یو نیک سړی دی .
دترکیې جمهوریت ورځپاڼه لیکي دسعودي عربستان دغه شتمن ترهګر شاهزاده دولس(۱۲) ځله ترکیې ته سفرونه وکړل چې اوه (۷)سفرونه یې د ترکیې دولسمشر رجب طیب اردوغان په مرستې سره شوي دي ځکه چې دسعودي عربستان ددغه ترهګر شاهزاده نوم دیوه ترهګر په توګه په هغو کسانو کښې شامل دی چې دترکیې هوايي ډګرونو ته په ورتلو ورباندې بندیز دی .
دترکیې جمهوریت ورځپاڼې ددغه هیواد له ولسمشر رجب طیب اردوغان او دجاسوسۍ ادارې میت له مشر هاکان فیدان سره د سعودي عربستان ددغه شتمن شاهزاده دکتنو دعکسونو په خپرولو سره ټینګار وکړ په داسې حال کښې چې دترکیې پولیسو دسعودي عربستان دترهګر شاهزاده یاسین القاضي د نیولو کوشش کاوه یاسین دترکیې د هغه وخت له لومړي وزیر سره کتنه کوله .
د داعش او ترکیې د نږدې ملګرتیا په باره کښې زیات سندونه شته .
دترکیې چارواکي باوري دي چې د داعش ترهګرې ډلې او په سورې او عراق کښې دنورو فعالو ترهګرو ډلو په ملاتړ سره په سیمه کښې دترکیې رول او مقام پیاوړی کولای شي .
دا داسې سیاست دی چې لویدیځو هیوادونو هغه په ځلونو ازمویلی دی خو په نهایت کښې همدغه ترهګرې ډلې د هغوې دامنیت لپاره په یوه (۱)ګواښ بدلې شوي دي .
ترکیه هم له دغه قاعدې مستثنی نه ده .
په راتلونکي پروګرام کښې هم له مونږ سره ملګري ووسئ چې له داعش تکفیري ډلې سره زیات بلد شئ .