تکفیري او ترهګرو ډلې په اسانۍ سره ددنیا له شپږ اتیا(۸۶) هیوادونو او په خورا توګه له عربو هیوادونو، قفقاز سیمې او اروپايي هیوادونو کسان جذبوي .
دغه ترهګر ترکیې ته له رسیدا وروسته ددغه هیواد په داخل کښې په ځینو اډو کښې کوټلي پوځي روزنې کوي او ورپسې د خلکو د وژلو او جنایتونو دترسره کولو لپاره دسوریې خاورې ته استول کیږي .
په دې زمینه کښې ډیر سندونه او عکسونه خپاره شوي دي چې ترټولو مهم سند یې هم د امریکا د ولسمشر باراک اوباما د مرستیال جوبایډن اعترافات دي .
دجرمني رسمي ټیلي ویژن هم څه موده مخکې ایشوا کړه چې دترکیې په استنبول ښار کښې په الفاتح واټ کښې دداعش ډلې لپاره یو(۱) دفتر پرانیستل شوی دی چې په ښکاره ددغه ترهګرې ډلې لپاره دمرستو د راغونډولو او دغه راز سورې او عراق ته د ترهګرو داستولو لپاره د ګوډاګیانو د جذبولو په حال کښې دی .
دجرمني درسمي ټیلي ویژن دراپور پراساس دترکیې په خاوره کښې د داعش ترهګرې ډلې دغړیو د پوځي روزنې لپاره څو پوځي کیمپونه او اډې شته چې یو(۱) کیمپ یې هم غازي عنتاب نومیږي .
دترکیې په جنوب ختیځ کښې داروپا کیمپ هغه بل کیمپ دی چې داعش ورڅخه استفاده کوي .
دداعش دترهګرې ډلې غړي په سوریې کښې په کسب سرحدي ښارباندې دحملې لپاره چې اکثره وسیدونکي یې عیسایان دي دترکیې له غازي عنتاب کیمپ څخه ورغلل .
دترکیې په جنوب کښې په ادانا کښې العثمانیه کیمپ دریم(۳) کیمپ دی چې داعش ډله ترې استفاده کوي .
دغه کیمپ دترکیې په خاوره کښې دامریکا یوې(۱) ترټولو سترې هوايي اډې ته نږدې پروت دی .
دغور وړ مسله داده چې العثمانیه کیمپ دګازو د پایپ لاین دهغو پایپ لاینونونو دنښلولو ځاې ته چې له عر اق او مرکزي اسیا ورځي ډیر نږدې دی .
دګازو دغه نل لیکې د ترکیې تر جیهان بندر پورې د مدیترانې سمندر په څنډه کښې پرتې دي .
دسوریې سرحد ته نږدې دترکیې په ادانا کښې کرمان کیمپ څلورم (۴)کیمپ دی چې داعش ترهګره ډله ترې استفاده کوي .
دامریکا سي این این ټیلي ویژن هم دتیر میلادي کال په اخر کښې په تصویري راپور کښې دترکیې له لارې دسوریې سرحدونو ته دخارجي جنګلیالیو د نفوذ دعملیاتو په هکله مستند فیلم جوړ کړی وو .
دامریکا دسي این این ټیلي ويژن خبریال د موریتانیا ، لیبیا ، مصر ، سعودي عربستان او دانګلستان د جنګیالیو یو شمیر تصویرونه او عکسونه خپاره کړل چې دسوریې سرحدونو ته نږدې دترکیې د هاتای هوايي ډګر له لارې منتقل شوي وو .
په دې مینځ ومان کښې د اورهان کما چنګیزاو د قدیر ګرسل په شمول ترکیې خبریالانو په اسانۍ سره د ترهګرو د تلو او راتلو لپاره د سوریې او ترکیې د سرحدي سیمو دبدلیدا خبر ورکړی دی .
هغوې ټینګار کوي دترکیې جاسوسۍ ادارې له دغو ترهګرو سره ملګرتیا کوي .