امریکایي مظاهره چیان په جفرسن سټي کښې د دغه هیواد د پولیسو د قهرجنو اقداماتو په خلاف په پراخو اعتراضونو کښې د میسوري ایالت د پارلمان ودانۍ ته ننوتل.
زمونږ د خبریال د رپورټ له مخې د امریکې په مختلفو ښارونو کښې د پولیسو د توکم پالو اقدماتو په خلاف مظاهرې لا هم روانې دي. مظاهره چیانو د میسوري د پارلیمان ودانۍ ته له ننوتلو وروسته اعلان وکړ چې د تورپوستي امریکايي ځوان مایکل براون د قتل په لړ کښې دې انصاف او عدالت اجرا شي.
دا په داسې حال کښې دي چې د فیلاډیلفیا ایالت د پولیسو مشر چارلز رمزي چې د امریکې ولسمشر باراک اوباما ورته د هیواد په مختلفو ښارونو کښې د ناکراریو په هکله د یو رپورټ د برابرولو دنده سپارلې، وویل: په نیویارک او د امریکې په ځینو نورو ښارونو کښې د خلکو اعتراضي مظاهرې او همداشان په فرګوسن ښار کښې شخړې ښودنه کوي چې خلک په پولیسو باندې څومره زیات بې باوره شوي دي.