په دې اساس دمسلمانانو لپاره دمعنوي او مادي چمتووالي پشمول دفاعي تیارئ هم ضروری دی . په ایران کې دبسیج رضاکار ځواک د همدغه لوړ قرآني تفکر په اساس او دغې لوړې موخې سره رامینځة شوی دی او څه دپاسه دیرش کاله کیږي چې په بیلابیلو ډګرونوکې د خلکو د اسلامی انقلاب دبریاؤ او عقایدو دفاع کوي . دوي چې دایران دټولنې له بدلونونوسره ښه بلد دي ، پوهیږي چې په ایران کې بسیج ځواک یوازې یو سیاسی یا پوځي ، کلتوری او ټولنیز اورګان نه دی بلکې په ډول ډول کارونو سره یوه ټولګه ده چې د هروخت د اړتیاؤ او دهغو دفعالیتونو په ډګر کې لازیات کارندوالی لري او د ورځې دمسایلو او موضوعګانو په وړاندې دنرمښت همدغه ځانګړنه ده چې دنن ورځې دټولنې په بیړنیو بدلونونوکې ئې له بسیجو یو کارنده اورګان جوړ کړی دی . دمثال په توګه ، علمي اوکلتوری فعالیتونه دبسیج په خورا مهمو دندو او رسالتونو کې شامل دي چې دپوهنتونونو استاذان او محصیلین ئې مخکښان دي . همداراز په محرومو سیموکې شتون او ددغو سیمو د محرومو خلکو دښونې ، هوساینې طبي او عمراني اړتیاؤ په ختمولو کې هم دسولې په وخت کې دبسیجیانو خورا اغیزمن فعالیتونه دي چې د بسیجو د عمراني ډلو په چوکاټ کې دخلکو دبیلابیلو پرګنو او متخصصانو له تاوده هرکلی سره مخامخ دي .
حضرت امام خمیني بسیج ځواک دمستکبرانو په ضد دولسی ځواک د مرکز په توګه ایران ته مخصوص نه ګاڼه او فرمائیل ئې :، بسیج یوازې ایران ته مخصوص نه دی او باید په درستې نړۍ کې دمقاومت مرکزونه جوړ شي او دختیځ او لودیځ په مقابل کې مقاومت وشي .داسلامی انقلاب له بری وروسته کابو له درو لسیزو راهسې اوس حتی ددغه ولسی انقلاب خورا سخت مخالفان هم په دې کې هیڅ شک نه لري چې د دغه هیواد دخپلواکۍ دله مینځه وړلو لپاره ددښمنانو ددباؤنو په مقابل کې دایران دخلکو مقاومت او دریدا دسیمې دنورو هیوادونو لپاره دباؤر وړ بیلګه شوی او په مینځني ختیځ سیمې کې ئې یوه څپه رامینځةکړې ده چې په دوام کې ئې اسلامی ویښتیااوله لودیځ سره اړونده اوتالی څټي دیکتاتوري حکومتونو سره اړونده رژيمونه ئې نسکور کړل . په عین حال کې د اړونده فاسدو نظآمونو په ضد دمسلمانو ملتونو څپانده لومړنیو مرحلو تیریدا وروسته اوس وینو چې دیوه تکیه کونکي ولسی اورګان دنشتوالي په دلیل له نسکورشویو رژیمونو سره اړونده عناصر بیا په نوو او ځينو دوکه ورکونکو شعارونو په تکيې دقدرت ډګر ته بیرته ستانه شوي دي اوپه سیمې کې ئې اسلامی ویښتیا له ګواښ سره مخامخ کړې ده . هغه پيښې او واقعات چې په مصر کې رامینځةشوي دي او د دغه هیواد د قانوني ولسمشر دنیونې لامل شول ، دلیبیا هرې ورځې نښتې ، دتیونس دانقلاب دبرخلیک په باب اندیښنې او نور موردونه ټول لامل شوي دي څو دسیاسی مسئلو کارپیژاند دسیمې دخلکو د انقلابی آئيډیالونو دساتنې لپاره دیوه رول ماډل په لټه کې شي
دسیمې په هیوادونو کې دایران دولسی بسیجي ځواک دماډل ځاي کول هماغه اکسیر دی چې هغه ته په رسیداسره به دنړۍ دمسلمانو او آزادي غواړو انقلابیان په لازیات قدرت سره وتوانیږي دخپل انقلاب ساتنه وکړي او له اسلامی ویښتیا مخکې شرائطو ته ئې دهیواد د ستنیدا مخه ونیسي . یو هغه هیواد چې دغه بیلګه اخستل ئې پخپلې کاری ایجنډا کې راوستي دي ،سوریه هیواد دی دغه هیواد دولسی ځواک په غونډولو سره توانیدلی دی د هغو تکفیری ترهه ګرو په ضد لوړګامونه پورته کړي چې له له ځينو عربی اولودیځي هیوادونو سره اړونده دي ،په عراق کې هم بریالي د دغه هیواد مظلوم خلک چې د داعش ترهه ګرو اوتکفیریانو د غیر انساني جنایتونو په مقابل کې یوازې پاتې دي ، دترهه ګرو په ضد دمبارزې لپاره دمعتقد اوولسی ځواک شتون دی . هغه ولس چې دخپل شتون خورا مهم دلیل هم دستر دیني مرجع آیت ا....سستاني غوښتنه ګڼي . دلبنان حزب ا... غورځنګ او د حماس او اسلامی جهاد غورځنګونو په چوکاټ کې دفلسطین ولسی مقاومت دتیریګرو په ضد د ولسی ځواک دغونډيدو بریالۍ بیلګې دي . د لبنان د حزب ا... غورځنګ ۳۳ ورځنی جنګ او دقدس له نیواکګررژیم سره دغزې تړانګې وروستی پنځوس ورځنی جنګ دولسی ځواک د غونډولو هغه بیلګې دي چې په نهایت کې دمسلمانانو دبري لامل شوي دي . په دغو جنګونو کې دصهونیسټ رژيم پوځ چې ځان ددنیا یو خورا قدرتمند پوځ معرفي کوي ، په خپلو ډیرو ماډرنو نادودو او دودو جنګي تجهیزاتو سره له هغو خلکو سره جنګ ته مخه کړې چې یوازینی جرم ئې مسلمان شونه ده . دغه تیریګر اووحشي رژیم دلبنان اوغزې د مظلومو خلکو په ضد له بې امانه ا و ډيرو زیاتو جنایتونو سره سره کله چې د ولسی مقاومت له کنډکونو سره مخامخ شوی ،نو ډيره بې شرمه اوسپيره ماته ئې خوړلې . په خداي ایمان او ولسی ملاتړ ددغو مقاومتونه دوې خاص ځانګړنې دي چې دا غورځنګونه په نړۍ کې له نورو ورته ډلو څخه جلا کوي .
دوستانو دخپرونې دغه برخه داسلامی انقلاب دارواښاد لارښود حضرت امام خمیني په یوې وینا سره پای ته رسوو ،. هغه بزرګوار په ایران کې دبسیجي ولسی مقاومت ځواک دنړۍ دټولو مسلمانانو او مستضعفینو لپاره یوه واحده او هراړخیزه بیلګه معرفي کړې او فرمائيلي ئې دي :، زه هیله مند یم چې دغه عمومی اسلامی بسیج دنړۍ د مسلمانوملتونو اومستضعفینو لپاره بیلګه شي ، او دا پيړۍدسترو بتانو دنړیدا او دکفر په ځآي داسلام اوتوحید او دظلم اوستمګرۍ په ځاي دعدل او انصاف او دبې فرهنګه سړي خوارو په ځاي دژمنو انسانانو پيړۍ شي :.