دایران په اسلامی جمهوریت کې دبسیج درضاکار ځواک د راپنځیدو دکلیزې په مناسبت هرکال کلیزه په پرتم او ولولې سره لمانځل کیږي . په اوسنۍ برخې کې بسیج د لودیځي سلطه ګرو ،صهونیسټي او تکفیری تیریګرو په وړاندې د مقاومت لپاره دیوې بیلګې په توګه ددغه رضاکار او ولسي ځواک د کړنو او کړچار په باب درسره غږیږو
دوستانو د ایران د اسلامی انقلاب له بري او له ایرانه دنړیوال استکبار د لاسونو له غوڅیدو وروسته ،د دښمنانو دسیسې اوفتنې ورځ تربلې په پراختیا شوې . په دغو شرائطو کې د ایران ولس چې په دیني انګیزو سره ئې پاڅون کړی ؤ ، په خودجوش ډول ئې په جوماتونو کې د مقاومت مرکزونه جوړکړل او دمقاومت ددغو مرکزونو په چوکاټ کې ئې دخپل غورځنګ دآئيډیاؤ دفاع ته مخه کړه . دایران دا سلامی انقلاب ستر لارښود حضرت امام خمیني چې تل دمبارزې په اوږدو کلونو کې ئې پر خداي د ایمان پر ځواک او دخلکو دهوډ په قدرت ټینګار کاوه ، د اسلامی انقلاب له بري وروسته له یوه کال هم په کمې مودې کې ئې په رسمي او اورګاني توګه دمستضعفانو دبسیجي ځواک دجوړولو حکم صادر کړ څو په دې وسیله داسلامی انقلاب بریاوې د دښمنانو دفتنو له خطرې خوندې پاتې شي . د دغه فرمان له صادریدا څو میاشتې وروسته وه چې دایران د ولس نوی راپورته شوی غورځنګ له هغه نابرابر جنګ سره مخامخ شو چې ، تر اتو کلونو پورې اوږدشو . په داسې شرائطو کې چې دایران وسله وال پوځ دانقلاب دشرائطووروسته د دفاع لپاره مناسب شرائط نه درولودل او دبریالیتوب یوازینۍ هیله هغه ولسی شتون اوچمتووالی ؤ چې دامام خمیني په شان دلوي رهبر او اسلامی عقایدو په ملاتړ او پشتیبانۍ سره دفاع او سرښيندنې ته تیار ؤ .
حضرت امام خمیني بسیجیانو ته پخپل وروستي پیغام کې فرمایلی دي،: دخطرې په وخت سرلوړی او تل پاتې هغه ملت دی چې اکثریټ ئې لازم چمتووالی لري ، که پرهیواد په زړه پورې بسیجي تفکر سیوری وغوړوي ، دنړۍ خوارو او دښمنانو تمه دارې سترګې به ترې بل پلوه واوړي او که داسې نه وي نو باید هره شیبه دپيښې په تمه ووسو:.
له قرآن کریمه په راپورته شوي په اسلامی تفکر کې،د دښمنانو د ګواښ او حملې دمخنیوي لپاره د مسلمانانو هرډول تیاری او شتون ضروری دی . داسلام په سرکینیو وختونو کې خداوندمتعال داسلام ګران پیغمبر ته له مومنانوسره دمرستې او دهغه دنصرت په باب ځيری ورکوي. دغه مومنان په حقیقت کې هغه کسان دي چې تل په بیلابیلو ډګرونو کې داسلام په لاره کې دمبارزې او جهاد لپاره تیار دي . ؛بسیجي: په حقیقت کې د همدغو مومنانو لپاره یو تعبیر دی . قرآن کریم دانفال سورې په شپیتم آیت کې فرمائي :، هرڅه مو په وس کې وي ، له ځواک رانیولې تر آسونو پورې ، تیار کړئ څو په دغه کار سره دخداي دښمنان او خپل دښمنان او نور هغه کسان چې تاسو ئې نه پيژنئ خو خداي ئې پيژني ، ورسره ویروئ :،
دقرآن کریم مفسر او داسلام لوي عالم اودیني مرجع آیت ا... ناصر مکارم شیرازي په دغه آیت اکې د :ځواک :ټکی هغه ټول قدرتونه او ځواکوونه معرفي کوي چې پر دښمنانو په بریالیتوب کې اغیزې لري چې په هغو کې دخلکو دایمان او روحیې پیاوړتیا او سیاسی ، اقتصادي او کلتوري قدرتونه شاملیږي .دوهم مهم ټکی دا چې په دغه آیت کې د جنګي تجهیزاتو له برابرولو هدف په ډير ښه ډول انځور شوی دی . په تفسیر نمونه کې په دې باب لولو ، ددغه آیت په اساس هدف دا نه دی چې انسانان په ډول ډول ورانونکووسلو ووژنئ او ابادیانې په کنډوالو بدلې کړئ او دنورو مځکې او مالونه اووسایل قبضه کړئ، بلکې انساني او منظقي هدف دادی چې په دغو وسایلو سره دخداي دښمنان چې دزور له منطق پرته په بل څه نه پوهیږي ویروئ څو دمسلمانانو پر ګټو او سرچینو دحملو اوتیریو له فکره وغړیږي . نو دوسلو اوتجهیزاتو له تیارولو او چمتووکولو موخه دعقیدې تپل نه دي بلکې دمستکبرانو د تیریو او سروزوریو مخنیوی دی . پر دې اساس هغه تکفیری ترهه ګر چې د قرآن کریم دآیتونو په لاسوند ګرځولو او ددښمنانو دویرولو په پلمو سره ډير زیات بوږنونکي جنایتونه کوي ، دحضرت محمد مصطفی (ص) د دین په باب هیڅ پوهه او له هغه سره اړوندوالی نه لري
په دغې نړۍ کې دحق اوباطل ترمینځ مبارزه اومعرکه تل موجوده ده او دقرآن کریم په تعبیر دخدای پاک دنیکو بندګانو اود شیطان د پیروکارو ترمینځ تل جهاد روان دی . یوه ډله کسان دبلې زیات غواړې ډلې له خوا له ظلم او کړاؤ سره مخامخ کیږي او مستکبران هغه بندي کوي څو دهغوي له سرچینو اوګټو دخپل ځان په ګټه استفاده وکړي . دوي په خلکو دویرې وحشت او درز اوچونکي فضا په رامینځة کولو سره هغوی دخداي په دستوراتو په عمل او حق ته له ګروهنې ویروي او په سالمې انساني او اسلامی فضا کې دټولنې د ودې او غوړیدا مخه نیسي . پّه دغو شرائطو کې خداي پاک مومنانو ته دنساء سورې په ۷۵ ایت کې فرمائی :، پرتاسو څه شوي دي چې دخداي په لاره کې او له هغو مستضعفو سړیو ،ښځو او ماشومانوسره په مرستو کې چې وائي خدايا ، له دغه ښاره چې اوسیدونکي ئې ظالمان دي مونږ ته نجات راکړې ، او د مونږ لپاره له خپلې خوا ولي او مرستندوي راواستوې ، جهاد نه کوي :.