دسوریې د ولسمشر درسنیو دچارو سلاکارې وویل دسوریې په وړاندې دروسیې دریځ هماغه راز ثابت دی .
دسوریې د ولسمشر د رسنیو دچارو سلاکارې میرمن بثنیه شعبان نن په یوې ټیلي ويژني مرکې کښې په سیمه کښې له ترهګرۍ سره په مقابلې کښې د دمشق پایداره رول ته په اشارې سره وویل روسیې د ملاتړ د دریځ په غوره کولو سره په دې لاره کښې له دمشق سره مرسته وکړه .
هغې په دې خبرې سره چې په سیمه کښې له ترهګرو دترکیې ملاتړ به له بندون سره مخ شي زیاته کړه بې شکه هغه څه چې په سوریې کښې رامینځته کړې شوي دي تپلی جنګ ګڼل کیږي چې مشرۍ یې ترکیه کوي او ددغو سیاستونو بدلیدل ضروري دي .
دسوریې دولسمشر درسنیو دچارو سلاکارې میرمن بثنیه شعبان له ترهګرۍ سره په مقابلې کښې د سوریې له اغیزشیندونکي رول څخه د امریکا او اروپا درک ته په اشارې سره وویل امریکا داعش تکفیري ترهګره ډله جوړه کړه او دسیمه ایزو ګوډاګیانو له لارې د داعش ډلې مدیریت کوي .
هغې د سوریې پرضد دتپلي جنګ هدف په دغه هیواد کښې د استعمارګرو او لویدیځو ډلو د استازیو واک ته رسول وبلل او ډاګینه یې کړه سوریه هماغه لوري ده چې له ترهګرۍ سره دمبارزې لومړیتوب یې په ګوته کړه خو مخالفانو له دغه لومړیتوب سره موافقه ونکړه .