سعودي شهزاده وايي د سوریې مخالفانو ته دې فوراً وسلې ورکړې شي
د عربستان دباچا زوي د سوریې مخالفو ډلو ته د وسلو د فوري ورکړې غوښتنه وکړه.
د لبنان السفیر خبري سایټ نن رپورټ ورکړی چې د سعودي عربستان د باچا زوي او د دغه هیواد د ملي ګارډ وزیر شاهزاده متعب بن عبدا... د سوریې په هکله د عربستان او امریکې ترمینځ د نظر د اختلاف په شته والي باندې په اعتراف سره له امریکې وغوښتل چې د سوریې د نظام مخالفو ډلو ته دې بې له ځنډه وسلې ورکړي او ورسره ورسره دې د دغې ډلې روزنه هم پیل کړي.
شاهزاده متعب بن عبدا... د سوریې په هکله د امریکې له ولسمشر باراک اوباما سره خپلو وروستیو خبرواترو ته په اشارې سره په دغه هیواد کښې زرترزره په پوځي لاسوهنې ټينګار وکړ.
سعودي شاهزاده په سیمه کښې د سوریې د کړکیچ اغیزې ته په اشارې سره څرګنده کړه: دا هیواد نن سبا د سیمې د وړومبیتوب په توګه د امریکايي چارواکو تر پاملرنې لاندې دی.
Add new comment