ستر دیني مرجع آیت ا... ناصر مکارم شیرازي نن دایران په قم سپیڅلی ښآر کې داسلامی نړۍ دعالمانو له نظره دتکفیری اوافراطی بهیرونو په باب دنړیوال کانګرس کې ګډون کونکو ته پخپلې وینا کې دې ته په اشارې سره چې په دغه کانګرس کې له ۸۳هیوادونو داسلامی نړۍ غوره اوسترو عالمانو ګډون کړی دی وویل په دغه کانګرس کې غواړو داسلامی نړۍ دیوې سترې ستونزې یعني دتکفیریانو دسپیرو کارونو اوفعالیتونو په باب وغږیږو
هغه وویل دغه تکفیری ډلې هم اسلام اوهم مسلمانانو ته او هم بشریت ته دروند ګوزار ورکوي او دمونږ دنده داده چې په دغو شرائطو کې ددغې منحرفې ډلې انګیزې وسپړو او هغه افکار چې دوي دجهنم په لور کاږي وپيژنو او له جرړو ئې وچ کړو
دغه ستر دیني مرحع همداراز زیاته کړې ترڅو به ناست وو او دمسلمانانو دناموسونو دحرمت او دهغوي دوژلو کتونکي به وو .دغه تکفیریان اسلام چې دمهربانۍ او مینې دین دی ، یو تاؤتریخجن دین معرفي کوي ،مونږ باید دنیا ته وښیو چې اسلام له دغو منحرفو بهیرونو سره هیڅ ارتباط نه لري او داسلامی نړۍ عالمان ددغو بهیرونو دجرړو په وچولو پسې دي او هیڅکله به دغه ډول بهیرونو ته داسلام دحقیقي څيرې دخرابولو اجازه ورنکړي