په سوریه کښې د پرتو ترهګرو په خلاف د دغه هیواد د پوځي ځواکونو له بریاو وروسته عربستان د سوریې په خلاف د خپلو سیاستونو په دوام کښې په دغه هیواد کښې د پوځي قدرت په انډول کښې د بدلون غوښتنه وکړه.
د روسیا الیوم خبري چینل د رپورټ له مخې د عربستان د بهرنیو چارو وزیر چې له ترهګرو ډلو سره په مقابله کښې د سوریې د پورځ له بریاو اندیښمن دی، وویل: د سوریې په خاوره کښې د پوځ قدرت انډول او توازن پکار دي د وسله والو ډلو په ګټه بدل شي.
سعود الفیصل د عربستان په پلازمینه ریاض کښې په یوه خبري ناسته کښې همداشان په الوتکه ویشتونکو وسلو باندې په سوریه کښې د پرتو ترهګرو په سنبالولو ټینګار وکړ.
له بلې خوا په لبنان کښې نیول شوي ترهګر له ترهګرو سره د عربستان په مالي مرستو باندې اعتراف وکړ.
د ایرنا د رپورټ له مخې په لبنان کښې نیول شوی یو خطرناک ترهګر په ابوعبده مشهور محمد عبدالحمید قاسم معروف بیګا اعتراف وکړ چې له عربستان څخه یې د بم ایښودل شویو ګاډو د برابرولو لپاره ډیرې پيسې ترلاسه کړې دي.
دغه خطرناک ترهګر همداشان اعتراف کړی چې د سوریې په یبرود او رنکوس سیمو کښې به یې په ګاډو کښې بمونه کیښودل او بیا به یې لبنان ته لیږل.
له ابوعبده څخه تحقیقات او تفتیش روان دي.