دسوريې وسله والو ځواکونو په جنوب کښې په ریف دمشق کښې له ترهګرو دیو شمیر سیمو دپاکولو په باره کښې بیانیه خپره کړه .
زمونږ خبریال وايي د سوريې دپوځ ویندوی دیویې بیانیې په خپرولو سره په قلمون سیمه کښې  له ترهګرو د معلولا ، صرخه او جبه  سیمو دپاکولو په باره کښې وویل د سوریې پوځیان دملي دفاع ځواکونو په ملګرتیا سره وتوانیدل په دغو سیمو کښې امنیت او ثبات ټینګ کړي .
دسوريې پوځ دغه نوی بریالیتوب په ریف دمشق کښې دترهګرو په له مینځه وړلو کښې ټاکونکي مرحله او له تکفیري ترهګرۍ سره په مقابلې کښې د پوځ دبریالیتوبونو دوام وباله او زیاته یې کړه په دغو عملیاتو کښې ګڼ شمیر ترهګر ووژل شول او دهغوې دجرمونوانو جنایتونو  دترسره کولو تجهیزات هم تباه شول .
دسوريې عسکرو دغه راز د وهابي تفکیري ترهګرو د پلانونو د شنډولو لپاره  د پریکنده فیصلې په چوکاټ کښې د سوريې دپوځ پرله پسې بریالیتوبونو ته اشاره و کړه او ویې ویل دسوريې پوځ په قدرت سره د هیواد دکرامت او عزت دساتلو لپاره دسوريې له خلکو سره خپلو ژمنو ته پاې بند دی .
دسوريې پوځیان دترهګرو پرضد له یو شمیر عملیاتو وروسته وتوانیدل په ریف دمشق ولایت کښې په  القلمون کښې ځینې سیمې چې ترهګرو ناامنه کړي وې بیرته ونیسي  .
دسوریې ولسمشر بشار اسد  په دې خبرې سره چې ترهګر په دغه هیواد کښې هیڅ ځاې نلري  وویل  پوځ به دهغوې تر کاملې نابودې پورې عملیاتو ته دوام ورکړي   .
په سوریې کښې جنګ سعودي عربستان، قطر ، ترکیې ، امریکا ، اردن، انګلستان ، فرانسې ، اسرایلو او ځینو نورو عربوا اروپايي هیوادونو رامینځته کړی  او دغه هیواد په سوریې او دغه راز په لبنان ، عراق ، لییبا او نورو ډیرو هیوادونو کښې ترهګرو ته هرډول وسلې او پیسې ورکوي .