نن  د رسول ا...بزرګوار د قدرمنې  لور حضرت  فاطمة الزهراء سلام الله علیها د شهادت د تلین دکلیزې په مناسبت درست  ایران په ویر او ماتم ډوب دی ، او ددغې قدرمنې بی بي د شهادت د تلین په مناسبت  د مشهد او قم په سپیڅلو ښارونو  او د حضرت امام خمیني  په حرم کې  د ماتم او ویر لویې دستورې جوړې شوې
بي بي فاطمة الزهرا د رسول الله مبارک قدرمنه لور او دامیر المومنین حضرت علی  علیه السلام قدرمنه بي بي او د حسنینو  مور ده چې   په خپل لنډ  اتلس کلن عمر کې یې د تقوا او فضیلت   بیلګې نندارې ته وړاندې کړې  او د یوې مور ، لور او  میرمنې په توګه یې د نړۍ میرمنو ته  نمونه پریښودلې ده
وروستی راپورونه ښئ چې دحضر فاطمةالزهرا سلام ا.. علیها دشهادت دکلیزې په مناسبت  دپاکستان، هندوستان ،ترکیې ،لبنان او افغانستا ن پشمول دنړۍ په ګوټ ګوټ کې داهل بیت علیهم السلام مینه والو په  دویر اوغم دستورې جوړې کړي او دغه ورځ ئې په پرتم سره لمانځلې ده
تهران ریډیو د هغه قدرمنې بي بي د شهادت د ورځې په مناسبت د نړۍ ټولو مسلمانانو او د  اهل بیتو مینه والو په  تیره بیا تاسو قدرمنو اوریدونکو ته تسلیت وړاندې کوي.