یوه مسیحی راهبه په داسې حال کې چې دفیلیپین په مسلمانانو کې ئې دمسحیّت تبلیغ کاوهّ ،اسلام ئې ومانهّ .
حوزه خبری آژانس راپورورکړ میرمن مارسیدتادي ویرا په داسې حال کې چې دفیلیپین په مسلمانانو کې ئې دمسحیّت دین تبلیغ کاوه له مسلمان سره آشنا شوه څه موده تیره شوه چې دهغه له چلند او کرداره ډیره اغیزمنه شوه اود اسلام مطالعه ئې پیل کړه ډير وخت نه ؤ تیر چې داسلام زرینو تعلیماتو پرې ډیرې اغیزې وشیندلې او مسلمانه شوه او اوس په کولو ښار کې له خپل مسلمان دوست سره ژوند کوي
میرمن مارسیدتا اسلام ته دګروهنې دعلت په با ب وائي ،دژوند موخه مې په دغه دین یعني اسلام کې موندلی دی .میرمن دی ویرا بیا وائی ما په اسلام کې دژوند معنا او خپل فکري آرامښت ترلاسه کړی او دا یوازې دما ټاکنه نه وه بلکې یو الهی رحمت ؤ چې زه ئې دغې لارې ته هدایت کړي یم . اوس چې خداوندمتعال دغه غوره لاره خپلو بندګانو ته خوښه کړې ده ،زه هم باید دپنځونکي له غوښتنې پيروي وکړم ،اسلام ته زما ګروهمنیدا زما دژوند لويه پيښه ده
میرمن دي ویرا بیا زیاتوی څه دپاسه لس کاله مې د مسیحیت په راهبۍ کې ژوند کړی او دیني زده کړې مې په ایټالیا اواسپانیا کې زده کړې او مسحیت ته د فلیپين دمسلمانانو دبللو لپاره مې مینداناؤ ټاپو ته سفر وکړ . هغه بیا وائی په مسلمانانو کې دمسحیت دین دتبلیغ په وخت پوهه شوم هغه کسان چې ترهه ګر بلل کیږي په حقیقت کې له ترهه ګرۍ سره هیڅ ارتباط نه لري او داموضوع مو له هغو کې په ژوند کولو سره پخپلو سترګو ولیده او نور مې پرې سترګې نه شوي پټولئ او حقیقت مې ومانه او اوس مو ژوند کراری موندلی دی