د اسلامي ایران ولسمشر وویل اسلامي نړۍ له بل هروخته زیات د درزونو د ترمیم لپاره کلتوري هڅو ته اړتیا لري.
زمونږ د خبریال د راپور له مخې د ایران د اسلامي جمهوریت ولسمشر ډاکټر حسن روحاني نن  په تهران کښې د اسلامي وحدت  دری ورځنی اوویشتم نړیوال کنفرانس  د پیل په دستورو کښې  وویل  د مسلمانانو دښمنان تل دوه هدفونه  د اسلامي امت تر مینځ د درز او اختلاف اچول او د  دغه ښکارندو ژورول تعقیبوي .
 هغه وویل  متاسفانه هغه ډلي چې  له اسلامي کلتور  او کلتوري حقیقت  او د اسلام له اخلاقي اړخونو  خبر نه دي، د اسلام او جهاد په نامه نړۍ ته  د اسلام څیره منحرفه  او اپوټه ښيي  او د مسلمانانو تر مینځ اختلافات او درزونه لا ژور او زیاتوي .
د اسلامي ایران ولسمشر  ټینګار وکړ  د اسلام دښمنان غواړي،چې  په سیمه کښې  خپل پوځي شتون، سیاسي سلطه  او کلتوري سلطه توجیه کړي ، په سیمه غاصبان، صهیونستان او تیریګر مسلط کړي  او د هغوۍ جنایتونه هیر کاندي .
ښاغلي روحاني همدغه راز  پخپله وینا کښې وویل،د اسلام دښمنانو غوښتل  په سیمه کښې نوی جنګ پیل کړي  او د دې کار لپاره يې زمیني هم برابري کړي،خو ایران د روسيي او سوریي په شمول د سیمي د ځینو هیوادونو،له سیمې د بهر هیوادونو او قدرتونو  په ملګرتیا په سیمه کښې د جنګ مخه ونیوله .
د  ایران د اسلامي جمهوریت ولسمشر  ټینګار وکړ د ایران د حکومت لومړی ګام، په سیمه کښې د نوي جنګ مخنیوی ؤ  او د ډ‌یپلوماسئ د درست توازن او اوزارونو په کارولو سره یې،چې درلودل ، له هغو درستو هیوادونو سره تل تماس کښې ؤ چې د جنګ او ویني تویونو مخالف ؤ  او سیمې یې له نوي جنګ،نښتې او نیواک وژغورله.