د اسلامي انقلاب ستر لارښود حضرت آیت الله العظمی سید علی خامنه ای،نن د ۱۳۵۶ هجري  لمریز کال د مرغومې د ۱۹ په مناسبت،چې د قم د خلکو د تاریخي پاڅون کلیزه ده، د دغه ولایت  د زرګونو خلکو په ټول کښې،د ایران د ملت او اسلامي نظام پرضد د آمریکا د سیاسي او مطبوعاتې ټولنو  او شخصیتونو دښمنۍ ډکو څرګندونو ته اشاره وکړه او ويي فرمایل، هر څوک چې د بشري حقوقو په باب خبرې  کوي ودې وکړي،خو  آمریکایان دا حق نلري چې خبري وکړي ،ځکه د آمریکا حکومت  په نړۍ کښې د بشري حقوقو ستر خلاف ورزي کوونکی دی .
 د رهبرۍ ستر مقام   له صهیونست غاصب رژیم او د  غزي د مظلومو خلکو په شمول د فلسطینیانو پرضد  د دغه رژیم جنایتونو او  په هغوۍ د خوراکي او طبي امکاناتو د رسیدو  په مخنیوې کښې د آمریکا پرله پسې ملاتړ ته اشاره وکړه او زیاته يې کړه، دا ټول د آمریکایانو له لورې د بشري حقوقو د پایمالولو او جنایتونو بیلګه ده .
د اسلامي انقلاب ستر لارښود،د ګوانتامامو د تړلو په اړه  د آمریکا ولسمشر انتخاباتې ژمنې  او  د  دغه ژمنې د  ۵ کلونو  تیریدو ته اشاره وکړه او ټینګار يې وکاوه، د پاکستان او افغانستان په خلکو د آمریکل  د بې پېلوټه الوتکو حملې او نور په زرګونو جنایتونه او همدغه راز په نړۍ کښې د هغوۍ د ناپيژندل شویو جنایتونو رودې ،د آمریکا د بشري حقوقو ضد او حقیقي ماهیت ښودنه کوي .
حضرت آیت الله العظمی سید علی خامنه ای،زیاته کړه، ایران د آمریکا او زیاتو لویدیځو حکومتونو لخوا د بشري حقوقو د خلاف ورزیو مدعی دی  او  دوۍ باید د نړۍ د عمومي افکارو په وړاندې ځواب ووايي.
د اسلامي انقلاب معظم لارښود، همدغه راز د اټومي خبرو اترو په اړه وفرمایل، له لویدیځ سره د ایران خبرې اترې، د بندیزونو له کبله نه وي،بلکه د ایران اسلامي جمهوریت  د خپلو مصلحتونو پر اساس ،چې هر کله  معلومه کړي ،خبرې اترې به وکړي  او په وروستیو خبرو اترو کښې هم یو ځل بیا  له ایران او اسلام سره د امریکا دښمنې  او د ایران په وړاندې د آمریکا کمزورتیا نړیوالو ته ثابته شوه .
د  رهبرۍ ستر مقام ټینګار وکړ،  مونږ مخکې هم ویلي ؤ چې  د ایران اسلامي جمهوري نظام  په ځانګړو موضوعات کښې چې مصلحت وویني  له دغه  شیطاني (آمریکا) سره  د شر د ختمولو او ستونزې د آوارولو لپاره  خبرې اترې کوي .
هغوۍ  په تیر وخت غور  او  له پیاوړ او کمزور ټکو  درس اخیستلو اړتیا ته اشاره وکړه او زیاته يې کړه، څوک باید  له دغه توهم سره مخ نه شي،چې  د ایران د اسلامي انقلاب دښمنانو،نن سبا  له دښمنۍ لاس اخیستی،ځکه چې ممکنه ده هر دښمن شاتګ ته مجبوره شي ،خو باید د دښمن خندا جدي ونه ګڼو او پرې ونه غولیږو.