نواز شریف چې نن شنبه کابل ته په یوه رسمي سفر راغلی له ولسمشر کرزي سره یې په ګډه خبرې غونډه کې له افغانستان سره د ښو سیاسي او سوداګریزو اړیکو غوښتنه وکړه او دارنګه یې یو سوله ایز افغانستان د پاکستان په ګډون ټولې سیمې لپاره اړین وباله او ويي ویل ولسمشر کرزي ته يې ډاډ ورکړی، چې د سولې لپاره د زمينې په برابرولو کې به همکاري کوي.
هغه وویل پاکستان له افغانستان سره د ورورګلوۍ په فضا کې اړیکې غواړي، سوله ایز افغانستان د پاکستان په ګټه دی، ۲۰۱۴ کال به له یو لړ ننګونو سره مخ وي خو هیله لرو چې آمنیتي چاري په ښه ډول انتقال شي،زه ژمنه ورکوم چې د ګډو اهدافو یعنې د سولې او ګډ ژوند لپاره به هڅه کوو.
نوازشریف د افغانستان او پاکستان ترمنځ د امنیتي تړون په اړه د یوې پوښتنې په ځواب کې دا چاره د افغانستان اړوند وبلله او ویې ویل،افغانستان یو خپلواکه هیواد او د حاکمیت خاوند دی او دا د افغانستان حکومت پورې اړه لري چې له امریکا سره د امنیتي تړون په اړه پریکړه وکړي، زمونږ ګټه د افغانستان ګټه ده،د وروګلوۍ فضا کې ژوند زمونږ هیله ده،مونږ د دوی پریکړو ته درناوی لرو .
د پاکستان لومړي وزیر همدا راز د افغاني طالبانو د دویم نمبر مشر ملا برادر اخوند په اړه هم څرګندونې وکړې او زیاته یې کړه چې ملابرادر خوشې شوی او دوی موافقه کړې چې د یوه مکانیزم په کارولو له برادر سره د سولې خبرې دوام ولري ترڅو یوې پایلې ته ورسیږي.
په همدې حال کې افغان ولسمشر حامد کرزي له میا نوازشریف سره د خپلې لیدنې په اړه خبریالانو ته معلومات ورکړل.
هغه وویل دواړو خواوو و پتیله چې تروریزم او افراطیت باید له منځه لاړه شي او زمونږه هیله داده ده چې د دغو ځالو له منځه لاړې شې ترڅو دواړه هیوادونه په ارامۍ کې ژوند وکړي
بل پلو ته د افغانستان د سولې عالي شورا هم تمه ښودلې چې افغانستان ته د نوازشریف سفر به د افغاني سولې او پخلاینې په برخه کې ډیرې ګټورې پایلې له ځانه سره ولري.