د ایران د خارجه وزارت مرستیال د ایټمي پروګرام په هکله د ایران او امریکې دوه اړخیزې خبرې اترې جدي او مهمې وبللې.
زمونږ خبریال وايي سید عباس عراقچي پرون ماښام په جنیوا کښې د مرستیالانو او کارپوهاو په کچه د ایران او امریکې ترمینځ د دوه اړخیزې غونډې له پاې وروسته وویل: ډیر کوټلي بحثونه وشول او څو ډیر مهم موضوعات مو وڅیړل.
ښاغلي عراقچي په مذاکراتو کښې د پرمختګ د حالت په اړه وویل: هیڅ کله مو خپله هیله مندي له لاسه نه ده ورکړې البته دا ډیر سخت کار دی، کوم خنډونه چې مخته پراته دي او د نظراختلافات چې په مختلفو موضوعاتو کښې شته دي، ډیر مختلف او پراخ دي او پخپلو کښې سره نزدې کول یې ډیر وخت غواړي.
هغه ټینګار وکړ: وروستۍ او فاینل قضاوت نه شو کولې چې اوس په کوم پړاو کښې یو خو هیله من یو چې مذاکرات په دې پاتې موده کښې نتیجې ته ورسوو.