داشان ډیپلماټیکې او سفارتي بریاوې د اسرائیلي چارواکو د جنګي جنایتونو په خلاف د فلسطینیانو د شکایت او هم په ملګرو ملتو کښې د بشپړ غړیتوب لپاره په دغه سازمان کښې د فلسطین د موقعیت د زیاتې لوړتیا لاره هواروي.
دا په داسې حال کښې دي چې د نړۍ زیاتره هیوادونو هم تراوسه د فلسطیني هیواد د جوړیدو له طرحې سره خپله موافقه اعلان کړې ده.
د فلسطین د خلکو له حقوقو څخه د نړۍ د مختلفو هیوادونو او خلکو ملاتړي اقدامات د صهیونیسټي رژیم د اصلي ملاتړي په توګه د امریکايي چارواکو له نیوکې سره مخامخ شوي دي او واشنګټن ګواښ کړی دی چې د فلسطیني خپلواک هیواد د جوړولو لپاره د فلسطینیانو لخوا مطرح شوې هرډول پریکړه لیک به وِټو کړي.
په دې لړ کښې د فلسطین د کورواکه تشکیلاتو مشر محمود عباس څه موده مخکښې د نیواکګرۍ د ختمولو لپاره امنیت شورا ته د خپلې طرحې له وړاندې کولو څخه د فلسطینیانو د غړولو لپاره د صهیونیسټي رژیم او لویدیځ د دباو خبر ورکړ خو فلسطینیانو وښودله چې له ملګرو ملتو څخه د اسرائیلو په خلاف همهغه شان شکایت ته هوډمن دي.
په دې لړ کښې فلسطیني چارواکو ټینګار وکړ چې هوډمن دي په لویدیځه غاړه او ختیځ قدس کښې د صهیونیسټي رژیم د نیواکګرۍ د ختمولو د پریکړه لیک مسوده د ملګرو ملتو امنیت شورا ته وړاندې کړي.