فلسطین خلک په ۲۰۱۴ کال کښې هم د صهیونیسټي رژیم او د هغه د انډیوالانو له جنګ جوړونکو دسیسو او انساني ضد اقداماتو سره مخامخ وو.
صهیونیسټي رژیم تسلیمیدو ته د فلسطین د خلکو د مجبورولو لپاره د خپلو سیاستونو په لړ کښې د امریکې په ملاتړونو سره د غزې کلابندۍ ته دوام ورکړی دی. صهیونیسټ رژيم له ۲۰۰۷ کال راهیسې د غزې محاصره سخته کړې ده.
دا په داسې حال کښې دي چې په ۲۰۱۴ کال کښې د غزې په خلاف د صهیونیسټي رژیم تیري لاهم جاري وو او په یو پړاو کښې په غزې باندې د دغه رژیم د هراړخیزې حملې سبب شول چې د غزې د اوسیدونکو لپاره یې ډیر خواشینونکی حالت رامینځته کړ.
په ۲۰۱۴ کال کښې په فلسطیني سیمو کښې د صهیونیسټي رژیم د خرابونکو او له تشدد ډکو اقداماتو ویرونکي اړخونه داشان دي چې فلسطیني کډوالو ته د ملګرو ملتو مرسته رسونکي آژانس (آنروا)، ۲۰۱۴ کال د فلسطین د خلکو لپاره یو ډیر ورانونکی کال وباله.
په کال ۲۰۱۴ کښې د فلسطین مختلفې سیمې د صهیونیسټي رژیم له پراخو ورانونو سره مخ وې. د غزې په تړانګې باندې د اسرائیلو د ۵۰ ورځنیو بریدونو په دوران کښې چې د ۲۰۱۴ کال د جولايۍ له اتمې نیټې پیل شوې، لږترلږه دوه زره او دوه سوه فلسطینیان شهیدان شول او په زرهاو نور ژوبل شول.
د ویلو ده چې په دې حمله کښې د فلسطینیانو ۸۹ زرو کورونو ته زیان ورسید چې له هغو نه ۱۵ زره کورونه بیخي له خاورو سره خاورې شول او یا دومره خراب شول چې د اوسیدو قابل نه دي پاتي.
د فلسطین د خلکو په خلاف د صهیونیسټي رژیم جنایتونو د نړۍ د خلکو زړونه خوږمن کړي دي او دغو پیښو د دغه نیواکګر رژیم په خلاف یې ورځ په ورځ زیاتیدونکي نړیوال اعتراضونه راوپارول او د صهیونیسټي رژیم له مخکښې نه د زیات زوال سبب شول.
دا په داسې شرایطو کښې دي چې په ۲۰۱۴ کال کښې چې د ملګرو ملتو د عمومي اسامبلې لخوا د فلسطین له خلکو سره د پیوستون نړیوال کال نومول شوی دی، نړیوال د فلسطین له خلکو سره په ملاتړ کښې د پراخ بین المللي کړچار کتونکي وو.
د دغو بدلونونو نتیجه د جنیوا د کنونشن په شمول له نړیوالو کنونشنونو، ارګانونو او ټولنو سره د فلسطین د پیوستون د زیاتیدونکي بهیر او هم په نړیواله جزايي محکمه کښې د فلسطین لخوا د څارونکي د موقعیت ترلاسه کول وو.