د افغانستان دنوي ملی وحدت دحکومت دکابینې دمهمې برخې ټاکل چې ټاکل شوې وه ، نن اعلان شي ، د وزارتونو په تیره بیا دکورنیو چارو د وزارت لپا ره دځينو کاندیدوکسانو په سر داختلافاتو له امله دنامعلومې مودې پورې ځنډول شوې د ي . .
دافغانستان داجرائي شورا له مشر عبدا..،. عبدا... سره اړونده نزدو سرچینو ویلی دي دکابینې لپاره داتو کسانو په معرفي کولو کې دواړه ډلې سره موافقې ته رسیدلي ،خو دولسمشر اشرف غني سره نزدې سرچینې بیا وائي دکابینې دجوړولو په سر بحثونه تراوسه پورې بشپړ شوي نه دي او هماغه راز دوام لري . البته دولسمشرۍ له ماڼۍ سره نزدې دیوې سرچینې په وینا دکابینې دجوړولو په سر دولسمشر او اجرائي مشر ترمینځ اختلافات هماغه راز شته دي . په دې باب دافغانستان دولسی جرګې یوه غړي ګل بادشا مجیدي چې له تهران پښتوریډیو سره ئې خبرې کولې ويلی دي دادواړه مشران (اشرف غني او عبدا... عبدا.... ) په دې اند دي چې دوزارتونو دڅوکیو لپاره باید غوره او صلاحیَت لرونکي کسان کاندیدان شي . خو هغه کسان چې په دواړو لورو کې موجود دي او په انتخاباتوکې ئې ور ځيني ملاتړ کړی دی او دهغوي په بریالیتوب کې ئې هم رول درلودلی دی ، نه پریږدي اشرف غني اوعبدا... عبدا..... پخپلو موخو کې بریالي شي . او بې صلاحیّته او بې کفایته کسان د ځينو وزارتونو لپا ره پرې تپل غواړي . دافغانستان د
ولسی جرګې دغه غړي همداراز زیاته کړې که بې صلاحیّته کسان دکابینې لپاره معرفي شي ، نو ولسی جرګې زیاتره غړي به ورته رائ ورنکړي .
دافغانستان دمسئلو یوه بل کارپيژاند،ددغه هیواد یوه پخواني چارواکي اوشناندي محمد حسن حقیّار هم په دې زمینې کې له مونږ سره په ټیلیفوني تماس کې ویلی دي هغه حکومتی نسخه چې دامریکا دخارجه وزیر جان کری له خوا دملی وحدت په نامې سر ه لیکل شوي وي، له دې لاښه نه شي کیدلی چې یوازې دملی وحدت په نامې سره یادیږي او په حقیقت کې داسې حکومت دی چې په راتلونکو پنځو کلونو کې به دیوه بل سره وَټَکوي او امریکا په یوه همدغه شان کمزوری حکومت پسې وه چې هیڅکله هم دهغو په مقابل کې بیرغ لوړ نه کړائ شي .پر دې اساس دښاغلی محمد حسن حقیّار په وینا دافغانستان نوی حکومت به د حامدکرزي په مشرۍ دتیر حکومت په نسبت ډیر کمزوری وي .کرزي سره له دې چې کمزورتیانې ئې درلودې خو دامریکا په مقابل کې ودرید او دهغو خبروته ئې غوږ نه کیښود.لکه څرنګه حاضر نه شو ، دکابل واشنګټن ترمینځ امنیتي تړون لاسلیک کړي او دامریکائي ځواک پخپل سریتوب او په دې چې امریکا نه غواړي دافغانستان جنګ پاي ته ورسیږي ، نیوکې کولې .
ښاغلی حقیار همداراز دافغانستان امنیتي حالاتو ته په اشارې سره چې په دغه هیواد کې دطالبانوډلې حملې اوج ته رسیدلی دی زیاته کړې دا دامریکا غوښتنه ده چې په افغانستان کې جنګ دوام وکړي او دغه هیواد ملی پوځ او امنیتي ځواک ئې په همدې خاطر داړتیا وړ او نوو وسلو سنبال نه کړ څو له وسله والو مخالفانو سره له جنګ وروسته په خود نه شي چې دا چاره به له ۲۰۱۴کاله وروسته هم دجنګ د دوام لامل شي ، خو له ۲۰۱۴کاله وروسته به جنګ په بشپړ ډول افغانی وي او افغانان به اخپلو افغانانو په لاس وژل کیږي او امریکا ئي او ناټو ځواک به دافغان ځواک دروزنې په پلمه په افغانستان کې خپل شتون ته دوام ورکړي ، هغه سیمه ایز ماموریتونه به چې زیاتره استخباراتي او اطلاعاتي وي جاری وساتي . دحقیار په وینا په افغانستان کې دخپل شتون له دوامه دامریکا اصلی موخه ، په مالی او امنیتي زمینو کې دافغانستان دحکومت له کمزورتیانو په استفادې سره په دغه هیواد بشبړسلطه او دسیمې په نورو هیوادونوکې لاسوهنه ده