د بې بې سي د راپور له مخې د افغانستان او پاکستان فوځي قوماندانانو توافق وکړ چې د ګډې پولې په اوږدو کې به د دواړو هیوادونو امنیتي ځواکونه د طالبانو مرکزونه په نښه کوي او د اړتیا په صورت کې کولای شي یو د بل خاورې ته هم ننوځي
ویل شوي دا توافق د پاکستان د فوځ مشر جنرال راحیل شریف او د افغانستان د اردو لوی درستیز جنرال شیر محمد کریمي لاسلیک کړی دی
د دې دواړو هیوادونو چارواکو ټينګار کړی چې د ګډې پولې په اوږدو کې به د طالبانو د ځپلو لپاره غږملتیاوې ډيروي .
له بلې خوا د افغانستان د کډوالو د چارو وزارت ویاند اسلام الدین جرئت وايي له پاکستانه د افغان کډوالو د ایستلو پریکړه د دواړو هیوادونو د توافق خلاف ورزي ده
نوموړي زیاته کړه د افغانستان پاکستان او یو ان ایچ سي آر د استازو تر منځ د پخوانۍ موافقې په اساس افغانان حق لري په دې هیواد کې تر ۲۰۱۵ م کاله واوسي.
جرئت زیاتوي افغان دولت د کډوالو د بیرته ورتګ لپاره چمتوالی نه لري د افغانستان د کډوالو د چارو وزارت د رآپورونو په اساس اوس مهال په پاکستان کې ۱۶ لکه افغانانان په قانوني او یو میلیون نور په غیر قانوني ډول اوسیږي
د خیبر پښتونخوا کابینې د سې شنبې په ورځ اعلان وکړ باید د یوې میاشتې په ترځ کې ټول افغانان د خیبر پښتونخوا صوبه پریږدي