دافغانستان دملي امنیت ادارې سرپرست دغه راز په کابل ښار کښې زیاتیدونکو ناامنیو ته په اشارې سره اعتراف وکړ په کابل کښې یوسل درې (۱۰۳)خپله سره او غیر مسوولې ډلې شته چې دغه ښار یې له سختو ناامنیو سره مخ کړی دی .
هغه زیاته کړه کابل شپږویشت (۲۶) دروازې لري چې یوازې دڅلورو (۴)دروازو امنیت تامین شوی دی .
دافغانستان دملي امنیت ادارې سرپرست وویل دکابل په دغو دروازو کښې سکین (Scan) ماشینونه لګول شوي دي چې یوازې یونیم ساعته فعال دي او دهغوې درویشت(۲۳) ساعته سونګ غلا کیږي .
هغه وویل د اشرف غني او عبدالله الله په مشرۍ د دوو (۲) واکمنو ډلو اړونده غیر مسوول کسان هم دناامنیو په رامینځته کولو لاس پورې کوي .
دافغانستان دملي امنیت ادارې سرپرست رحمت الله نبیل دغه راز زیاته کړه دکابل په څلورو(۴) خواو کښې یوسل اوه (۱۰۷)ترهګرې ډلې دیره شوي دي .
دحقیقي ډیموکراۍ دټینګولو په باره کښې باید ووایو ددنیا خلکو ولیدل چې دافغانستان دولسمشرۍ په وروستیو انتخاباتو کښې دخلکو رایو رول ولوبوه که دامریکا دخارجه وزیر جان کیري دافغانستان په مظلومو خلکو یو داسې حکومت وروتپه چې دوه (۲) سرونه لري چې ددنیا په هیڅ هیوادکښې دې ته ورته حکومت نشته .
دافغانستان بیارغاونه هم ګاونډیو هیوادونو او نورو لیرې ملکونو ته د کار او مزدورۍ لپاره د افغانستان د ځوانانو او زلمیو په تښتیدا سره کامله ښکاره ده ځکه که چیرې په افغانستان کښې بیا رغاونه ترسره شوي وائ دغه افغانان به نورو هیوادونو ته دکارلپاره نه تلل ..
دتیر وخت په نسبت په افغانستان کښې بې وزلۍ زیاته شوي ده ..
په تیرو دیارلسو (۱۳) کلونو کښې یوازې هغو افغانو چې دامریکا او لویدیځو هیوادونو نږدې کسان او ملاتړي وو زیاتې پیسې ترلاسه کړي دي .
دافغانستان ملي پوځ هم چې اشاره ورته شوي ده یوازې پړسیدلی دی او له داخل څخه خالي دی ځکه چې موډرنې او نوي وسلې نلري او دهغوې په نسبت له طالبانو سره نوي او موډرنې وسلې شته .
په افغانستان کښې دنشه ایزو موادو دتولید حالت اوس په دې ډول دی چې په دغه هیواد د امریکا له حملې مخکې هلته هرکال یوازې په سلګونو ټنه نشه ایز مواد تولیدل خو دامریکا دعسکرو په ورتلو سره دغه تولید اوس زرګونو ټنو ته رسیدلی دی.
په افغانستان کښې هر کال له اوو زرو (۷۰۰۰) څخه تر نهه زرو (۹۰۰۰) ټنو پورې نشه ایز مواد تولیدیږي .
دباوري او موثقو سرچینو دراپور پراساس دامریکا او انګلستان پوځيان په افغانستان کښې دنشه ایزو موادو په قاچاق کښې لاسونه لري .
اوس چې دامریکا ولسمشر باراک اوباما په ډیر ویاړ سره وايي چې په افغانستان کښې دامریکا ترټولو اوږد جنګ ختم شوی خو په کومه بیه .؟
دهغو څو حقیتونو په بیه چې په لنډ ډول درته بیان شول .
که چیرې امریکا رښتیوني وائ او د یو (۱)ټریلیونه او سل () میلیارډه ډالرو پرځاې يې یوازې لس(۱۰) میلیارډه ډالره دافغانستان په بیا رغاونې او دملي پوځ په وسلو سمبالولو لګولای په افغانستان کښې ترهګرۍ ختمیدله