د سوریې کرد ځواکونو ددغه هېواد په شمال ختیځ کې دداعش ترهګرې تکفیري ډلې ۱۶ کسان وژلي دي.
د فرانسې خبري آژانس د خبر له مخې، د داعش دغه کسان د سوریې په شمال ختیځ، د ترکیې له سرحد سره نږدې وژل شوي دي.
ددغه خبر له مخې، کرد ځواکونو پرون د حسکه ولایت د راس العین ښار په سویل کې دداعش پر سنګرونو برید کړی.
راس العین تېر کال، مخکې له دې چې کرد ځواکونه داعشیان له دې ښاره وباسي، د سختو نښتو میدان و.
ددغه خبر پربنسټ، د کوباني په سرحدي ښار کې چې دداعش تر کلابندۍ لاندې دی هم سختې نښتې روانې دي.