د بشري حقوقو د ساتنې په لړ کښې د ملګرو ملتو ځانګړي رپورټر د امریکايي چارواکو د جزايي تعقیب غوښتنه وکړه.
فرانسې خبري آژانس رپورټ ورکړی چې د بشري حقوقو په زمینه کښې د ملګرو ملتو ځانګړي رپورټر بِن امرسن پرون وویل: هغه ټول امریکايي چارواکي چې د دغه هیواد د استخباراتو د مرکزي ادارې یعنې سي، آيي، ای لخوا په ترسره شویو شکنجو کښې یې رول درلودلی، پکار دي تر جزايي تعقیب لاندې راشي او سزا شي.
هغه ټینګار وکړ چې د امریکا د سینیټ د اطلاعاتو د کمیټې رپورټ ښودنه کوي چې د سي، آيي، ای د شکنجې رودې له نړیوالو قوانینو او بشري حقوقو سره په ټکر کښې دي.
د ویلو ده چې د امریکې د سنا جرګې د اطلاعاتي کمیټې رپورټ ښودنه کوي چې سي، آيي، ای له تصوره زیاته وحشي اداره ده. دغې ادارې د ستمبر د یوولسمې له پیښې وروسته په ترهګرو فعالیتونو باندې له شکمنو کسانو څخه د تفتیش لپاره ډیرې بوږنونکې او غیرقانوني طریقې کارولې دي.