د پاکستان د سیاسي مسائلو یو کارپوه صهیونیسټي رژیم د مینځني ختیځ د سیمې د ناکراریو اصلي عامل وباله.
سجاد میر زمونږ خبریال ته په مرکه کښې وویل: امریکا او صهیونیسټي رژیم د داعش ترهګرې ډلې په ملاتړ سره هڅه کوي چې د اسلامي هیوادونو د ټوټې کولو په موخه په عراق او سوریه کښې ناامني رامینځته کړي.
د پاکستان د سیاسي چارو دغه کارپوه وویل: که اسلامي هیوادونه له یوبل سره یوموټي او متحد شي نو صهیونیسټ رژیم هیڅکله د دغو هیوادونو په خلاف اقدام نه شي کولی خو په خواشینۍ سره د سیمې څو عرب هیوادونه نه یوازې د اسرائیلو مخالف نه دي بلکې د دغه رژیم ملاتړي او ملګري هم دي.
هغه ټینګار وکړ چې امریکا او اسرائیل د شیعیانو او سنیانو ترمینځ د تفرقې او نښتې په موخه په سیمه کښې د دسیسې جوړولو په حال کښې دي.
سجاد میر وویل چې ترهګر په اسرائیلو کښې روزل کیږي او سنبالیږي او د عربي او اسلامي هیوادونو مشرانو ته پکار دي چې هوښیار او ویښ ووسي او دا دسیسې شنډې کړي.