حسن روحاني نن په تهران کښې د پاکستان د پخواني ولسمشر آصف علي زرداري په کتنه کښې وویل: تهران په مختلفو ډګرونو کښې تل له اسلام آباد سره د ښو اړیکو او ملګرتیا غوښتونکی پاتې شوی دی.
ولسمشر روحاني په دغه کتنه کښې چې د تاوتریخوالي او افراط پالنې خلاف نړۍ په نامه نړیوالې غونډې ترڅنګ وشوه، څرګنده کړه: پاکستان یو هغه هیواد دی چې تل د ترهګرو لخوا د جدي زیانونو له خطر سره مخ پاتې شوی دی او پکار دي د تشدد او افراط پالنې د بڼه نیونې له علتونو سره د مبارزې په لړ کښې فعالیت وکړي او په دې کار کښې لازیات جدیت ولري.
د پاکستان پخواني ولسمشر آصف علي زرداي هم په دغه کتنه کښې د دواړو هیوادونو ښو اړیکو ته په اشارې سره د تهران او اسلام آباد ملګرتیا په سیمه کښې د ارامښت، ثبات او امنیت په ګټه وبلله.