د پاکستان وزیراعظم او د ایران د اقتصادي چارو او مالیې وزیر پخپلو کښې کتلي او د دوه اړخیزو اړیکو په پراختیا یې ټینګار وکړ.
زمونږ خبریال وايي د پاکستان وزیراعظم نوازشریف نن په اسلام آباد کښې د ایران د اقتصادي چارو او مالیې وزیر علي طیب نیا په کتنه کښې د انرجۍ په برخه کښې د خپل مینځي ملګرتیاو د پراختیا لپاره د خپل هیواد د جدیت خبر ورکړ او ویې ویل: پاکستان له ایران څخه د ګیس د انتقال د نل لیکې د جوړولو او همداشان له دغه هیواد څخه د بریښنا د وارداتو زیاتولو ته هوډمن دی.
د پاکستان وزیراعظم په دغه کتنه کښې د ایراني او پاکستاني شرکتونو ترمینځ د تجارت د زمینې د برابرولو لپاره د عملي لارې چارې د غوره کولو په ضرورت هم ټینګار وکړ.
نوازشریف هیله وښودله چې د ایټمي دوسیې په سر د ایران او ۵+۱ ډله هیوادونو مذاکرات ښې نتیجې ته ورسیږي.
د ایران د مالیې وزیر علي طیب نیا هم به دغه کتنه کښې نوازشریف ته د اسلامي ایران د ولسمشر حسن روحاني د سلام رسولو په ترڅ کښې وویل: د ایران ولسمشر هم د خپل پاکستاني سیال ممنون حسین لخوا له بلنې وروسته غواړي چې په وړومبي ممکن فرصت کښې پاکستان ته سفر وکړ. د ایران د مالیې وزیر زیاته کړه چې د دواړو هیوادونه سوداګري اړیکې به مطلوب حد ته ورسیږي.