له ترهه ګرۍ او تکفیري تفکر سره د مبارزې نړیواله غونډه چې د مصر د الازهر پوهنتون په نوښت په قاهرې ښار کې جوړه شوې وه پرون خپل کار پای ته ورسوه ، په دغه دوه ورځنۍ غونډه کې د نړۍ د یو سل شلو هیوادونو اوو سوو پوهانو او دیني عالمانو برخه لرله .
د الازهر پوهنتون د کانفرنس په پای کې ګډونکوونکو په یو غږ د هر ډول افراط پالنې دسمبولونو او نښو په ردولو سره جوته کړه : هغه ټولې ډلې چې له تاوتریخوالي استفاده کوي ګناهکار دي. ځکه چې په اسلام کې تاوتریخوالی نیشته . د الازهر په کانفرنس کې همداراز د سیمې د مسلمانانو او مسیحیانو په ورورلې ټینګار شوی او د اسلامي عربی هیوادونو له عالمانو غوښتل شوې چې د سیمه ایزو قومي مذهبي شخړو په کمولو کې خپل رول ولوبوي. له تکفیري بهیرونو سره د مقابلې لپاره د یووالي راوست ل هغه اصول وو چې له ترهه ګرۍ سره د مبارزې د کانفرنس ټولو ګډونکوونکو پرې ټینګار کاوه .
د قاهرې په کانفرنس کې ګډونکوونکو دیني عالمانو پّ خپلو دریځونو کې د دې خبرې په اعلان سره چې ترهه ګري د سیمې دټولو هیوادونو ګډه دښمنه ده او ترهه ګر د شیعه سني او مسیحیانو تر مینځ هیڅ فرق نه کوي جوته کړه : باید لوی هیوادونه د ترهه ګرۍ د ختمولو لپاره یو غږمله استراتژي جوړه کړي.
دا خبره په داسې حال کې وشوه چې شیخ الازهر احمد الطیب وویل : هغه ترهه ګري او قوم پالنه چې په سیمه کې دود شوې ده هدف یې یوازې د اسلامي هیوادونو ټوټې کول دي او د بهرنیو هیوادونو د ګټو په لړ کې رامینځته شوې ده .
دم ګړۍ هغه ترهه ګري چې په سوریې اعراق او حتی د لیبیا مصر او تیونس په شان د افریقا د شمال په ځینو هیوادونو کې روانه ده هدف یې په دغه هیوادونو کې دموجودو قبایلو ، قومونو او مذهبي فرقو تر مینځ د سوله ایز ژوند له مینځه وړل دي شیخ الازهر په دې بیان سره چې افراط پالي او په تیره بیا داعش د اسلام له تعلیماتو د غیر واقعی او سطحي اخستون سره غواړي په دین کې کوږوالی رامینځته کړي د مذهبي انحرافاتو په وړاندې د اتحاد په ضرورت ټینګار وکړ.
د لبنان مفتی شیخ عبداللطیف دریان هم له ترهه ګرۍ سره د مبارزې د دوه ورځنۍ غونډې په ترڅ کې د لمسوونکو مذهبي ویناوو ډډه کول د لا زیات وحدت او یووالي د راوستلو او د ترهه ګرۍ له سمبولونو او ډلو سره د مقابلې یوه لاره وبلله . هغه د فتنه پالو عواملو په وړاندې هوښیاري او بیداري په مختلفو اسلامي هیوادونو کې د سوله ایز ژوند د رامینځته کولو لپاره یو مهم اصل وباله .
مهم ټکی دادی چې د الازهر پوهنتون په کانفرنس کې ګډونکوونکو په یوه خوله د دیني خبرو اترو او مذاکراتو اصلاح په اهمیت ټینګار وکړ او د زده کړې د رودو پراختیا ، او د جهاد په شان د ځينو اسلامی مفاهمیو څخه صحیح اخستون یې یو مهم اصل وباله . د دغه اصل په چوکاټ کې د ملکي او بې ګناه کسانو د وینې بهیول یو بد جنایت ګڼل شوی او ټینګار وشو چې په مسیحیانو او ملکي کسانو حمله که هغه شیعه وي او که سني د اسلام له اصولو لرې خبره ده .
په وروستیو څو کلونو کې په عراق او سوریې کې د داعش ترهه ګرو ډلو د ملکي کسانو په خلاف په بوږنوونکو جنایتونو لاس پورې کړی دی . هغه جنایتونه چې نه یوازې د اسلامي له دیني تعلیماتو سره مخالف دي بلکې له انساني ارزښتونو سره هم ټکره لري.
نو ځکه له ترهه ګرۍ او تکفیري تفکر سره د مبارزې په دوه ورځني کانفرنس کې له داعش سره مبارزه د یوې داسې ډلې په توګه چې نه یوازې د اسلام له دیني تعلیماتو یې سطحي انحرافي او غیر واقعي برداشت لرلی ، بلکې له انساني ارزښتونو سره هم په کامل تضاد کې ده ، د یو جدي ضرورت په توګه مطرح شوه .