دپاکستان دکورنیو چارو پخواني وزیر رحمان ملک وویل چې په دغه هیواد کښې داعش ترهګره ډله وجود لري چې مشرۍ یې هم یوسف سلفي کوي .
سعودي عربستان او امریکا دپاکستان داستخباراتي ادارو په مرستې سره کوشش کوي چې دداعش ترهګرې ډلې فعالیت دغه هیوادته هم وغزوي .
سیاسي کارپيژاندي وايي چې په پاکستان کښې القاعده اوطالبان له مخکې څخه وجود لري او سعودي عربستان او امریکا ددوې دنوم په بدلولو سره اوس په پاکستان او سیمه کښې دداعش په نوم سره ددغه ډلې فعالیتونو ته ددوام د ورکولو غوښتونکي دي .
دپاکستان دکورنیو چارو پخواني وزیر رحمان ملک په اسلام اباد کښې خبریالانو ته وویل چې امنیتي ځواکونو دهیواد په مختلفو سیمو کښې په چپو کښې دداعش ډلې ځینې کسان نیولي دي .
هغه وویل دپاکستان دطالبانو ډلې ترمینځ دداخلي اختلافاتو دزیاتیدا په وجه داعش ډله راڅرګنده شوي ده .
دپاکستان د کورنیو چارو دپخواني وزیر دغه څرګندونې په داسې حال کښې شوي ده چې دکورنیو چارو اوسني وزیر چوهدري نثار علي خان په هیواد کښې دداعش وجود رد کړی دی .
د ویلوده چې په پاکستان کښې دطالبانو ،لشکر جهنګوي ، سپاه صحابه او القاعده ځینو غړیو د داعش په ملاتړ کښې په دیوالونو ځینې شعارونه لیکلي دي چې وښيي داعش ډله په دغه هیواد کښې وجود لري .