۱۳۴۱کاله پخوا د ۹۵قمری کال دمحرم دمیاشتې په پنځه ویشتمه
دیوه روایت په اساس دحضرت محمد مصطفی (ص) یو لمسی او دحضرت امام حسین علیه السلام زوی او په سجاد مشهور حضرت امام علی بن حسین علیه السلام شهید شو . حضرت امام زین العابدین علیه السلام په ۳۸قمری کال کې په مدینې منورې ښآر کې نړۍ ته سترګې رڼې کړې وې . هغه بزرګوار په کربلاکې دحضرت امام حسین علیه السلام له غورځنګ او دخپل پلاربزرګوار له شهادته وروسته دخپل پلار دپیغام رسونې او دهغه دلارې ددوام دروند مسئولیّت په غاړه واخست او خپل رسالت ئې ددغه لوي پاڅون دموخو دروښانه کولو لپاره په ښه ډول ترسره کړ. همدارا ز امام سجاد علیه السلام داسلامی کلتور او تمدن په جوړولو اود پيغمبر اکرم دسنت او دقرآن کریم دښکلو تعلیماتو دپراختیا لپاره ډ يرې هلې ځلې وکړې او پخپل خاصې هوښیارتیا اوځيرتیا سره ئې داسلامی پوهانو د روزلو اقدام وکړ څو له دې لارې قرآن او داسلام دپیغمبر سنت خوندي وساتل شي . دحضرت امام سجاد علیه السلام له نورو ارزښتمنو آثارو د دعا په چوکاټ کې دتل پاتې مطلبونو بیان دی چې دهستۍ دخالق دپيژندګلوۍ او له هغه سره درابطې او هم د اسلامی تعلیماتو او معارفو او اخلاقي موضوعګانو په باب دي .دغه نفیس او ارزښتمنې ویناوې او قولونه د:صحیفه سجادیه : په نامه په کتاب کې غونډې کړائ شوي دي او په بیلابیلو ژبو ژباړل شوي هم دي .