ایرناخبری آژانس راپور ورکړ دافغانستان دملی امنیت دادارې ویندوي عبدالحسیب صدیقي نن په کابل کې دخبریالانو په ټول کې وویل په پاکستان کې ددطالبانوډلې دقوماندانانو دکړنو پشمول موجود شواهد اونښې نښآنو په اساس داسې ښکاري چې ملاعمر ژوندی نه دی .
صدیقي وویل دطالبانو یوه نامتو مسئول مقام مولوی اختر منصور دملاعمر دفرمان په عنوان سره په اساسی څوکیو د خپلې خوښې کسان منصوب کوي چې دا اقدام دملاعمر دژوندي کیدو په باب شکونه او ابهامات لاپیاوړي کوي .
دافغانستان دملی امنیت د دادارې ویندوي په عین حال کې په روان کال کې دطالبانو ډلې دوګړو دلازیاتې مرګ ژوبلې خبر ورکړ او وې ویل طالبان سږکال په جګړو کې نیغ په نیغه له اافغان امنيتي ځّواک سره ښکیل شوي او نور دنیغه په نیغه جنګیدو وړتیاوې نه لري
صدیقي وویل طالب ځواکونو اوس دجنګ په ډګر کې په ناکامیو سره خپل ټول توان بمي چاودنو او ځان مرګي حملو ته ورمتوجه کړی دی . هغه په عین حال کې دافغانستان دبیلابیلو سیمو امنیتي وضعیت په ښه کیدو بللی او ویلی ئې دي چې له طالبانوسره دافغان ځواک دجنګ لمن له ۲۲ولایتونو شپږوولایتونو ته کمه شوې ده .
صدیقي روښانه کړې طالب وګړي چې په مخامخ جنګ کې ئې سختې ماتې خوړلي دي اوس دشپږوولایتونو په سترو ښآرونو کې په ځان مرګو حملو سره ئې جنګي پروپيګنډو ته مخه کړې ده خو افغان ځواک او پولیسو په هوښیارۍ او ځيرتیا سره په ډيرو موردونو کې کیښودل شوي بمونه او نور ځان مرګي بریدونه کشف او شنډ کړي دي